مەزڵووم عەبدی، ڕاوێژکاری سەرۆکایەتیی کۆماری سووریا، لە شاری کۆبانێ کۆبوونەوەیەکی لەگەڵ فەرماندە و بەرپرسانی باڵای ئەمنی و کارگێڕی ئەنجام داوە، بۆ هەڵسەنگاندنی دۆخی ئێستای ناوچەکە و تاوتوێکردنی دۆسیەکانی پەیوەندیدار بە ڕووداوەکانی دوایی.دوای کۆبوونەوە فەرمییەکان، بەڕێیەوە بۆ پزیشکی داد دەچێت بۆ بەدواداچوون لەبارەی تەرمی ٩ هاووڵاتییەکەی لە ڕووداوی زیندانەکەدا گیانیان لەدەستداوە و هەروەها سەردانی بریندارەکان دەکات.بڕیارە تەرمی ٩ کەسەکە سبەی یەکشەممە، کاتژمێر ٥ی ئێوارە، لە گۆڕستانی «شەهید دیجلە» لە کۆبانێ بەخاک بسپێردرێن؛ بەڵام هێشتا بەشداریی مەزڵووم عەبدی لە مەراسیمەکە پشتڕاست نەکراوەتەوە.