لە سەروبەندی پێشبڕکێکانی زۆرانبازی یارییە ئاسیاییەکانی ناگۆیا، دەزگاکانی ڕاگەیاندنی هیندستان، سەبارەت بە بەختی هەڵبژاردەی ئەو وڵاتە بۆ بەدەستهێنانی میدالیای زێڕ، ئێرانیان وەک یەکێک لە زلهێزە سەرەکییەکان و ڕکابەرە جدییەکانی هیندستان لەم کێبڕکێیانەدا ناوزەد کردووە.
ماڵپەڕی (RevSportz)ی هیندستان لە ڕاپۆرتێکدا سەبارەت بە بەختی هەڵبژاردەی زۆرانبازی هیندستان لە یارییە ئاسیاییەکانی ناگۆیا، ئاستی ڕکابەرییان لەم ماوەیەدا بە زۆر بەرز هەڵسەنگاندووە و نووسیویەتی کە گۆڕەپانی ئاسیا پڕە لە خاوەن میدالیای ئۆڵۆمپی و جیهانی.
ئەم دەزگای میدیاییە لە پشکنینی ڕکابەرەکانی هیندستاندا، بە تایبەتی ئێران، ژاپۆن، کازاخستان، قرغیزستان، ئۆزبەکستان و کۆریای باکووری وەک زلهێزە سەرەکییەکانی ئامادەبوو لە ناگۆیا ناوبرد؛ ئەو وڵاتانەی کە بوونی زۆرانبازە دیارەکانیان دەبێتە هۆی ئەوەی کە کاری هیندستان قورس بێت بۆ بەدەستهێنانی میدالیای زێڕ.