بە پێی ڕاپۆرتی جام کوردی، دوکتور مەنوچێهر حەبیبی، پارێزگاری کرماشان، لە ماوەی چالاکی خۆیدا زیاتر لە ٢٠٠ دیداری لەگەڵ وەزیران، بریکاری سەرۆک کۆمار، بریکاری وەزیران و بەڕێوەبەرانی باڵای نیشتمانی لە تاراندا هەبووە؛ ئەم کۆبوونەوانە، بەپێی نووسینگەی پەیوەندییە گشتییەکانی پارێزگار، بە ئامانجی بەدواداچوونی داواکارییەکانی پارێزگاکە و دەستەبەرکردنی سەرچاوە داراییەکان و لابردنی ئاستەنگەکانی بەردەم جێبەجێکردنی پلانەکانی گەشەپێدان ئەنجامدراون.
سنوورەکانی کرماشان؛ تەوەری بەدواداچوونە نیشتمانی
پەرەپێدانی توانا سنوورییەکان و ئاسانکاریی بازرگانی لەگەڵ عێراق، تەوەری سەرەکیی ئەم کۆبوونەوانە بووە.
بەدواداچوون بۆ چالاکی و خۆشگوزەرانی شەش سنوور و بازاڕەکە، لابردنی بەربەستە گومرگییەکان، ڕێکخستنی بازرگانی سنووری، پەرەپێدانی بازرگانی ئازادی قەسر شیرین و ناوچەی پیشەسازی لەو بابەتانەن کە لەسەر ئاستی نیشتمانی بەدواداچوونیان بۆ کراوە.
بە لەبەرچاوگرتنی هەڵکەوتەی جوگرافیای کرماشان و ڕۆڵی سنوورەکانی پارێزگا لە ئاڵوگۆڕی بازرگانی لەگەڵ عێراقدا، بەهێزکردنی ژێرخانی گومرگی و گواستنە سنوورییەکان دەتوانێت کاریگەر بێت لە کەمکردنەوەی بەربەستە بازرگانییەکان و ئاسانکاری بۆ چالاکیی بازرگانان و زیادکردنی توانا ئابوورییەکانی ناوچەکە.
هێڵی ئاسنی کرماشان- خوسرەوی-بەغدا؛ پلانێکی ستراتیجی بۆ پەیوەندی لەگەڵ عێراقدا
لە بواری گواستنەوەدا، بەدواداچوون بۆ هێڵی ئاسنی کرماشان-خسرەوی-بەغداد وەک یەکێک لە گرینگترین داواکارییەکانی ئەو پارێزگایە لە دیدار لەگەڵ بەرپرسانی نیشتیمانیدا ڕاگەیەندراوە؛ پلانێک کە ئەگەر تەواو بێت و مەرجەکانی جێبەجێکردنی، جێبەجێ بکرێت، دەتوانێت پەیوەندی شەمەندەفەری نێوان ئێران و عێراق بەهێز بکات و زەمینە بۆ پەرەپێدانی گواستنەوەی موسافر و کاڵا خۆش بکات.
پەرەپێدانی میحوەرەکانی گواستنەوە و ڕێگاوبانەکان و تەواوکردنی ژێرخانی ڕێڕەوی کەربەلا، هاوکات لەگەڵ باشترکردنی ئاسانکارییەکانی سنووری خوسرەوی و زیادکردنی توانای خزمەتگوزاری و گواستنەوە بۆ جێگیرکردنی زیارەتکارانی ئەربەعین لە بوارەکانی دیکەی بەدواداچوونی ئیدارەی پارێزگاکە بووە.
دابینی پارە و پشتگیریکردنی پڕۆژەکانی گەشەپێدان
بەپێی ڕاپۆرتی پارێزگای کرماشان، دابینکردنی پارەی پڕۆژەکانی پەرەپێدان و ژێرخان، لابردنی ئاستەنگە بانکییەکان بۆ یەکەکانی بەرهەمهێنان، پاڵپشتیکردنی وەبەرهێنان و چالاککردنی پڕۆژە وەستاوەکانیش بەشێک بوون لە کۆبوونەوە نیشتمانییەکانی پارێزگار.
پەرەپێدانی ژێرخانی ئاو، کارەبا، گاز و نیشتەجێبوون، دەستەبەرکردنی سەرچاوە داراییەکان بۆ پڕۆژەکانی گەشەپێدان و بەدواداچوون بۆ قەرەبووکردنەوەی زیانەکانی پەیوەست بە شەڕ، بابەتەکانی دیکە بوون کە لەم کۆبوونەوانەدا وروژێنران.
لە کەرتی کشتوکاڵدا، بەدواداچوون بۆ پڕۆژەکانی دابینکردنی ئاو و پەرەپێدانی سیستمی گەرم و سارد کەرەوە، هاوکات بووە لەگەڵ سیاسەتی پشتیوانی و هەوڵی چالاکانی ئەم کەرتە، لەگەڵ زیادبوونی نزیکەی یەک ملیۆن تۆن بەروبووم و سەرکەوتنی دوو پلەیی پێگەی کرماشان لە بەرهەمی کشتوکاڵیدا.
بەدواداچوون تا گەیشتن بە ئەنجامەکان
پارێزگاری کرماشان جەخت لەوە دەکاتەوە کە کۆبوونەوە نیشتمانییەکان تەنیا لە پلانی داواکارییەکاندا سنووردار نین، بەڵکوو بەڕێوەبەرانی دەزگا جێبەجێکارەکان پێویستیان بەوەیە کە بەردەوام بەدواداچوون بۆ کێشە و پێداویستییەکانی ناوچەکە لەسەر ئاستی نیشتمانیدا، بکەن.
تۆمارکردنی زیاتر لە ٢٠٠ کۆبوونەوەی نیشتمانی لە ماوەی نزیکەی ٢٢ مانگدا لە دۆخێکدا بووە کە پەرەپێدانی سنوورە بازرگانییەکان لەگەڵ عێراق، پێشکەوتنی هێڵی ئاسنی کرماشان – خوسرەوی- بەغدا و دابینکردنی سەرچاوەی دارایی بۆ پڕۆژەکانی ژێرخانی، لە داواکارییە گرنگەکانی ئەو پارێزگایەن بۆ بەهێزکردنی پێگەی ئابووری و ترانزێتی کرماشان؛ داواکاریگەلێک کە بەدیهێنانی پەیوەستە بە دەستەبەرکردنی بودجە، بڕیاردانی نیشتمانی و بەردەوامبوونی بەدواداچوونی جێبەجێکار.