جام کوردی - وەزیری دەرەوەی ئێران ڕایگەیاند کە لە ئێستادا پێشنیازی وڵاتەکەی تاکە پێشنیازی سەر مێزە بۆ کردنەوەی گەرووی هورمز. عەباس عێراقچی ئاماژەی بەوە دا کە لایەنی قەتەری پێشنیاری کەمکردنەوەی ماوەی جێبەجێکردنی پێشنیازەکەی ئێرانی بۆ ٥ ڕۆژ خستبووە ڕوو، بەڵام لەم قۆناغەدا گەیشتووینەتە ڕێکكەوتنێک کە ماوەی جێبەجێکردن بۆ تەنها ٢ ڕۆژ کەم دەکاتەوە.
عێراقچی سەبارەت بە مەرجەکانی تاران جەختی کردەوە که مەرجەکانی ئێمە بریتین لە هەڵوەشاندنەوەی ئەو سزایانەی دوای لێکتێگەیشتنی ئیسلام ئاباد سەپێندراون، لەگەڵ کەمکردنەوەی هێزەکانی ئەمریکا لە ناوچەکەدا. ناوبراو ئەوەشی خستەڕوو کە دوای ڕەزامەندیی واشنتن لەسەر ئەم مەرجانە، بڕیار لەسەر ئەوە دەدەین کە ئایا دانوستانەکان ڕاستەوخۆ دەبن یان ناڕاستەوخۆ.
وەزیری دەرەوەی ئێران سەبارەت به پەیوەندییە دیپلۆماسییەکانیش ڕایگەیاند: «ئێمە بە وردی لە نامەکەی ڤانسمان خوێندەوە و لە کۆبوونەوە ئاست بەرزەکاندا باسمان کرد، و شانۆیەکی ئێرانیش سەفەری دەوحەی کردووە، بەڵام لە ئێستادا هیچ پێویستییەک بە دیدار لەگەڵ ئەمریکییەکان نابینین.»