جام کوردی - «تید کڕوز»، سناتۆری کۆماریخواز و توندڕەوی ئەمریکی، لە دوای شکستی قورسی حیزبەکەی لە هەڵبژاردنەکان و لەدەستچوونی کۆنتڕۆڵی سێنا، لە لێدوانێکی چاوەڕواننەکراودا ڕەخنەی لە درێژخایەنبوونی پێکدادانەکان لەگەڵ ئێران گرت و داوای کۆتاییهاتنی دەستبەجێی کرد.
«تید کڕوز»، سناتۆری کۆماریخواز و توندڕەوی ئەمریکی کە تا پێش هەڵبژاردنەکانی ئەم دواییە لە لایەنگرانی سەرسەختی جەنگ دژی ئێران بوو، ڕۆژی هەینی لە لێدوانێکی چاوەڕواننەکراودا ڕەخنەی لە سیاسەتەکانی دەوڵەت گرت و داوای کۆتاییهاتنی پێکدادانەکانی کرد.
تید کڕوز لە پادکستەکەی خۆیدا بە ناوی «The Verdict» بە ئاماژەدان بە گۆڕانکارییە سیاسییەکان و ئەنجامی هەڵبژاردنەکان گوتی: «تێکساس بووە بە شین. هەرگیز بیرم نەدەکرد ڕۆژێک ئاوەها قسەیەک بکەم.» ناوبراو بە داننان بە سەرکەوتنی دیموکراتەکان لە هەڵبژاردنی نیوەی خولدا، هۆکاری ئەوەی گەڕاندەوە بۆ بایەخنەدانی کاندیدە کۆماریخوازەکان بە کێشە گوزەرانییەکانی خەڵک لەوانە نرخی بەنزین، خۆراک و تێچووی چاودێریی منداڵان و گوتی زۆرێک لە سیاسەتمەداران یان لەم قەیرانانە تێنەگەیشتبوون یان هیچ بایەخێکیان پێ نەدەدان.
ئەم سێناتۆرە ئەمریکییە ئەگەرچی ناوی «دۆناڵد ترەمپ»ـی نەهێنا، بەڵام بە ئاماژەدان بە بڕیارە سەرەکییەکانی دەوڵەت، لەوانە سەپاندنی پێناسە گومرگییەکان (باج) کە نرخی کەرەستەکانی زیاتر لە پێویست گران کردووە، ڕەخنەی گرت. ناوبراو هەروەها سەبارەت بە گرژییەکان زیادیشی کرد: «جەنگی ئێرانم زیاتر لە پێویست درێژەی کێشاوە. ئەم جەنگە دەبوو کورت، یەکلاکەرەوە و بە ئەنجامێکی ڕوون کۆتایی هاتبا. ئەم جەنگە دەبێت کۆتایی پێ بێت.»
بە گوتەی چاودێران، ئەنجامی هەڵبژاردنەکان و لەدەستچوونی کۆنتڕۆڵی سەنای ئەمریکا لەلایەن کۆماریخوازەکانەوە گورزێکی قورسی لە کڕوز وەشاندووە؛ چونکە ناچارە سەرۆکایەتیی کۆمیتەی بەهێزی بازرگانیی سەنا ڕادەست بکات؛ پۆستێک کە سەکۆیەکی گرنگ بوو بۆ کاریگەریی سیاسیی ئەو.