لە کۆڕبەندەکەدا بابەتە جیهانی و ناوخۆیی پەیوەست بە ئابوری و وزە خراوەتەڕوو، لە ئامادەبوونی کەسانی بڕیاربەدەست و پسپۆڕانی بواری ئابوری و وزە، کە گفتوگۆیان لەسەر چەندین بابەتی گرنگ ئەنجام داوە. کۆڕبەندەکە وەک شوێنێکی گفتوگۆی زانستی و ستراتیژی، هەوڵ دەدات ڕوونکردنەوەی چەمکی نوێ و چارەسەری کێشە ئابورییەکان پێشکەش بکات. لە چوارچێوەی کارەکانی ئەم کۆڕبەندە، 17 پانێڵ دیاری کراون کە هەر یەکێکیان بابەتێکی جیاواز دەخاتە بەرباس.
ئەم کۆڕبەندە بۆ ماوەی دوو ڕۆژ بەردەوام دەبێت، لە ڕۆژانی شەممە و یەکشەممەی 6 و 7ـی حوزەیران، کە تێیدا توێژینەوە و بیرۆکە نوێکان دەربارەی ئابوری و وزە دەخرێنە بەردەست.