ئەوڕۆ سێشەمە بە میوانداریی زاگراب پایتەختی کرواتیا، پاڵەوانێتی جیهانی تۆپی دەستی کەنار دەریای 2026 دەستپێدەکات و تیمی نیشتمانیی تۆپی دەستی ئێران لە دوو یاری چارەنووسسازدا لە یەکەم ڕۆژی کێبڕکێکەدا ڕووبەڕووی ڕکابەرە بەهێزە ئەوروپییەکانی دەبێتەوە.
هەڵبژاردەی نیشتمانیی تۆپی دەستی ئێران کە لە کۆمەڵەی Aدا لەگەڵ تیپەکانی ئیسپانیا، پورتوگال و ئەمریکا لە یەک گرووپدایە، لە هەنگاوی یەکەمدا بەرامبەر هەڵبژاردەی ئیسپانیا یاری دەکات.
ڕکابەری یەکەمی ئێران دەیەمین دەرکەوتنی خۆی لە کێبڕکێی جیهانیدا ئەزموون دەکات و لەم ڕکابەرییەدا پلەی سێیەمی بەدەستهێناوە. ئیسپانیا ساڵی ڕابردوو پلەی دووەمی ئەوروپا بوو و تەنانەت ژمارەی پێوانەیی بردنەوەی پاڵەوانێتی ئەوروپاشی هەیە.
هەڵبژاردەی تۆپی دەستی ئێران لە دووهەمین یاری ڕۆژی یەکەمدا ڕووبەڕووی هەڵبژاردەی پورتوگال دەبێتەوە کە کاتژمێر 22:30 دەستپێدەکات، ئەو تیپە کە توانی لە دوایین پاڵەوانێتی جیهانیدا پلەی سێیەم بەدەست بهێنێت، بە یەکێک لە ڕکابەرە سەرەکییەکانی ئەم پێشبڕکێیانە دادەنرێت و بە دڵنیاییەوە ڕکابەری سەرسەختی ئێران دەبێت.