لە دەستپێکی گفتوگۆکەدا، د. علی موسى الموسوی ئاماژەی بەوە دا کە زیارەتی ئەربەعین تەنها ڕێوڕەسمێکی ئایینی بەر تەسک نییە، بەڵکو یەکێکە لە گەورەترین کۆبوونەوە ئایینی و مرۆییەکانی جیهان کە سەرجەم سنوورە ئایینی، مەزهەبی و ڕۆشنبیرییەکانی بەزاندووە.
وتیشی" زیارەتی ئەربەعین داستانێکی مرۆیی گەورەیە کە تێیدا زیاتر لە ۲۰ ملیۆن زیارەتکار لە نەتەوە و ئایینە جیاوازەکانەوە لەژێر ئاڵایەکی هاوبەشی مرۆییدا کۆدەبنەوە. لێرەوە دەردەکەوێت کەربەلا تەنها شارێک نییە کە ڕووداوێکی مێژوویی تێدا ڕوویدابێت، بەڵکو سەرچاوەی هیوایە بۆ هەر کەسێک کە بەدوای دادپەروەری و ئازادیدا دەگەڕێت."
لە وەڵامی پرسیارێکی پەیامنێری جام کوردی دەربارەی کاریگەریی فکری ئیمام حسێن لەسەر کۆمەڵگەی جیهانی، ئاماژەی بەوە کرد کە ئەم ڕێپێوانە دەرفەتێکی قووڵە بۆ ئاشنابوون بە بەهاکانی ڕزگاربوون لە زوڵم و تێگەیشتن لە ئیسلامی ڕەسەنی محەممەدی کە لەسەر بنەمای پاکی و میهرەبانی دامەزراوە.
ناوبراو زیاتر دواو وتی" ئەم ڕووداوە تابلۆیەکە لە فرەیی ڕۆشنبیری و ئیمانی هاوبەش بە هێزی خۆشەویستی و ئاشتی. زیارەتکاران بە بەشدارییان، پەیمانی خۆیان بۆ پەیامی حەق و دادپەروەریی ئیمام حسێن نوێ دەکەنەوە، کە وەک ڕەمزێکی جیهانی لە سەرووی سنوورە جوگرافییەکانەوە قسە لەگەڵ ویژدانی مرۆڤایەتی دەکەن.
لە بەشێکی دیکەی گفتوگۆکەدا، د. علی موسوی تیشکی خۆستە سەر شێوازی بەڕێوەچوونی ئەم کۆبوونەوە ملیۆنییە کە بەبێ دەستتێوەردانی فەرمی یان نێودەوڵەتی بەڕێوەدەچێت.
موسوی ڕوونی کردەوە" لە سەرجەم ڕێگاکانی بەرەو کەربەلا، زیارەتکاران بە گەرمی و بەخشندەیییەکی بێپایانەوە پێشوازییان لێدەکرێت و خزمەتگوزارییە سەرەکییەکانیان پێشکەش دەکرێت. ئەم سەفەرە سنوورە ڕەگەزی و ئایینییەکان دەبەزێنێت و دەبێتە پەیامێکی خۆشەویستی لەژێر چەتری مرۆڤایەتیدا.
لە کۆتایی گفتوگۆکەیدا لەگەڵ جام کوردی، د. علی موسى الموسوی پەیامێکی ئاڕاستەی بیرمەندان و ئاشقانی حەق کرد و وتی" ئیمام حسێن دەروازەی جیهانە بەرەو ئیسلامی ڕاستەقینە کە بەها واڵاکانی مرۆڤایەتی بڵاودەکاتەوە.
ماوەتەوە بڵێیا: زیارەتی ئەربەعین هێمای بەخشندەیی، خۆبەخشی و بەها نەمرەکانە؛ بانگەوازێکە بۆ هەر توێژەرەوەیەکی ڕاستی و دادپەروەری بەرەو جیهانێک لە برایەتی، خۆشەویستی و چاکەی بەردەوام .