هەڵبژاردەی نیشتمانیی تۆپی پێی لاوانی ئێران، لە جامی ئاسیای 2027ی چین لە وڵاتی چین بە بردنەوەی 3-1 لە ڤێتنام، پلەیەکی بەدەستهێنا.
بەڵام یەکێک لە گرنگترین ڕووداوەکانی قۆناغی کۆتایی پاڵاوتنەکان دۆڕانی چاوەڕواننەکراوی ئوسترالیا بوو بە ئەنجامی 2-0 بەرامبەر ئەندەنوسیا. ئەنجامێک کە هاوکێشەکانی خشتەکەی بە شێوەیەکی بەرچاو گۆڕی.
بەم سەرکەوتنە ئەندەنوسیا 7خاڵی بەدەستهێنا و پێشەنگی ڕیزبەندییەکەی گرتە دەست، مالیزیا بە کۆکردنەوەی 5 خاڵ لە پلەی دووەمدایە و ئوسترالیا بە تەنها 4 خاڵ بۆ پلەی سێیەم دابەزی.
ئوسترالیا کە یەکەم یاری خۆی بەرامبەر لائۆس بردەوە و ڕازی بوو بە یەکسانبوون بە ئەنجامی 2ــ2 بەرامبەر مالیزیا لە یاری داهاتوودا، لە پلەی سێیەمدایە، واتە ئەم تیپە لە جامی ئاسیای 2027 دوورکەوتەوە.
ئەمەش ڕووداوێکی بەرچاوە، بەو پێیەی ئوسترالیا پێشتر پاڵەوانی پاڵەوانێتییەکە بووە و بە یەکێک لە بەهێزترین تیپەکانی تۆپی پێی ئاسیا دادەنرێت. دۆڕان بەرامبەر ئەندەنوسیا و دەرچوون لە قۆناغی پاڵاوتنەکان بێ گومان شۆکێکی گەورە دەبێت بۆ تۆپی پێی ئوسترالیا. بەتایبەت کە ئەو تیپە لە خولی پێشووی جامی گەلان نازناوی پاڵەوانێتی بەدەستهێنابوو و ئێستا تەنانەت نەیتوانیوە بگاتە 16 تیپی یەکەمی ئاسیا، ئەمەش سەلماندی کە ئامادەبوونی قوتابیانی قاسم حەدادیفەر لە جامی نەتەوەکانی داهاتوودا ئەوەندە ئاسان نەبووە.