ڕاشیگەیاند: هەنگاوەکەی دەوڵەتی کۆڵۆمبیا لە ئاراستەکردنی تۆمەتی بێبنەما دژ بە ئێران و هاوکات ڕاگەیاندنی پچڕاندنی پەیوەندییە دیپلۆماسییەکان کە مێژووەکەی بۆ زیاتر لە نیو سەدە دەگەڕێتەوە، پێچەوانەی بنەمای ڕێزگرتنی دوولایەنە و دژ بە بەرژەوەندی و بەرژەوەندییە باڵاکانی هەردوو نەتەوەیە. ئاشکرایە کە هیچکام لەو ئیدیعایانەی دەوڵەتی کۆڵۆمبیا بۆ پاساودانی ئەم بڕیارە خستوونیەتە ڕوو، قببوڵکراو و لۆژیکی نین و ئەم بڕیارە تەنیا لەژێر کاریگەری و دەستێوەردانی ڕژێمی زایۆنی و ئەمریکادا دراوە.
دەوڵەتی کۆڵۆمبیا، کە بەپێی بەڵگە و شایەدییە حاشاهەڵنەگرەکان بە توندی لەژێر کاریگەریی کارتێلەکانی بەرهەمهێنان و دابەشکردنی ماددە هۆشبەرەکاندایە و لە کردەوەدا بە بەشێک لە تۆڕی سامناکی تیرۆریزمی ماددە هۆشبەرەکان (نارکۆتیرۆریزم) لە کیشوەری ئەمریکا و دەرەوەیدا دادەنرێت، بە هیچ شێوەیەک لە پێگەیەکدا نییە کە ئامۆژگاریی ئەوانی تر لەبارەی تیرۆریزم و ماددە هۆشبەرەکانەوە بکات.
ئەم جۆرە تۆمەتبەخشینەوە دووڕووانەیە ناتوانێت دەوڵەتی کۆڵۆمبیا لە بەرپرسیارێتییە نێودەوڵەتییەکەی بەهۆی بەشداریکردن لە قاچاخکردنی بڕە گەورەکانی ماددەی هۆشبەر بۆ ناوچە جیاوازەکانی جیهان، لەوانەش بۆ ئێران، بدزێتەوە.
دەستبەسەرداگرتنی بارێکی ٥٥ کیلۆگرامی لە کۆکایینی خاوێنی کۆڵۆمبیایی لە تاران لە کۆتاییەکانی مانگی خەرماناندا کە ڕاستەوخۆ لەلایەن تۆڕێکی سەر بە کەسایەتییە باڵادەستەکانی کۆڵۆمبیاوە بۆ ئێران قاچاخ کرابوو، یەکێکە لە نوێترین حاڵەتە ئاشکراکراوەکانی تاوانی ڕێکخراوی نێودەوڵەتی کە دەدرێتە پاڵ دەوڵەتی کۆڵۆمبیا.
چاوەڕوان دەکرا دامودەزگا پەیوەندیدارەکانی دەوڵەتی کۆڵۆمبیا لەبری کاردانەوەی پەلە بەرامبەر بەم بابەتە، لە چوارچێوەی پابەندییە یاساییە نێودەوڵەتییەکانیاندا هاوکارییان بکردایە بۆ دەستنیشانکردنی دەستە سەرەکییەکانی تێوەگلاو لە قاچاخکردنی ئەم بارە و بارە هاوشێوەکانی دیکە بۆ ئێران و وڵاتانی دیکەی ناوچەکە.
کۆماری ئیسلامیی ئێران لە پێناو پاراستنی بەرژەوەندییە نیشتمانییەکانی خۆیدا، ڕێکاری پێویست بەرامبەر بەم ڕوانگە نالۆژیکی و دوژمنکارانەیەی دەوڵەتی کۆڵۆمبیا دەگرێتە بەر.