بە پێی ڕاپۆرتی جام کوردی، نیکۆلاس مادۆرۆ سەرۆک کۆماری ڤەنزولیا بە ئاماژە بە سەردانی سەرۆکی دەزگای هەواڵگری و بەرپرسێکی باڵای سوپای ئەمریکا بۆ دوو وڵاتی کۆڵۆمبیا و بەرازیل، پلانی ئەمریکای بۆ تیرۆری سەرکردە سیاسی و سەربازییەکانی وڵاتەکەی ئاشکرا کرد.
ناوبراو لە ڕێوڕەسمێکی سەربازیدا ڕایگەیاند کە دەزگای هەواڵگری ئەمریکا و دامەزراوە سەربازییەکانی ئەو وڵاتە هەوڵی تیرۆرکردنی دەدەن.
مادۆرۆ بە ئاماژە بە فەرمانی کوشتنی خۆی لە لایەن دوناڵد ترەمپ سەرۆک کۆماری پێشووی ئەمریکاوە، وتی: پرسیار ئەوەیە کە ئایا جۆبایدن هەمان فەرمان پەسەند دەکات کە بێگومان ڤەنزولیا دەباتە شەڕی ناوخۆییەوە؟
وتیشی کە سەرچاوە هەواڵگرییەکانی ئێمە لە کۆڵۆمبیا ڕایانگەیاندووە کە ئەمریکییەکان بۆ تیرۆرکردنی من و سەرکردە سیاسی و سەربازییەکانی ڤەنزولیا ئامادە بوون./.
