بە پێی ڕاپۆرتی جام کوردی، لە نێوان گشت جۆرە جیاوازە‌كانی كەم خوێنیدا كۆمە‌ڵێك نیشانەی ھاوبە‌ش ھە‌ن لە‌وانە:
شە‌كە‌تی ماسولكە‌كان و كە‌می وزە و چالاكی.
ناڕێك لێدانی دڵ، بە تایبە‌ت لە كاتی وە‌رزشكردندا.
تە‌نگە‌نە‌فە‌سی و سە‌رئێشە، بە تایبە‌ت لە كاتی وە‌رزشكردندا.
كە‌مبوونە‌وە‌ی توانای تە‌ركیز كردن.
گێژبوون.
زە‌ردبوونی پێست.
كەم خە‌وی.
لە پاڵ ئەم نیشانە گشتیانە‌شادا، ھە‌ر یە‌كێك لە جۆرە جیاوازە‌كانی كەم خوێنی نیشانەی تایبە‌تی خۆی ھە‌یە كە دە‌كرێت بە‌كاربھێنرێت بۆ دە‌ستنیشانكردنی چارە‌سە‌رە‌كەی.
جۆرە جیاوازە‌كانی كەم خوێنی
كەم خوێنی بە ھۆی كە‌می كانزای ئاسن کە نیشانەکانی بریتین لە:
هەبوونی برین و درز و برژانەوەی ناو دەم.
نوشتانەوەی نینۆک بەرەو سەرەوە.
حەزکردن بە خواردنی هەندێک شتی سەیر وەک سەهۆڵ، خۆڵ و … .
کەم خوێنی بە هۆی کەمی ڤیتامین B12 ەوە کە نیشانەکانی بریتین لە:
مێرولەکردن و سڕبوون لە دەست و قاچدا.
کەمبوونەوەی هەستی دەست لێدان لە شتەکانی دەوروبەر.
ناڕێکی لە کاتی ڕۆیشتن.
لەبیرچوونەوە.
ڕەقبوونی قۆڵ و ڕان.
کەم خوێنی بە هۆی ژەهراویبوون بە کانزای قوڕقوشم کە نیشانەکانی بریتین لە:
هەبوونی هێڵێکی ڕەش و شین لە سەر پوک.
قەبزبوون.
ڕشانەوە.
هەبوونی ئازار لە سکدا.
کەم خوێنی بە هۆی لەناوچوونی خڕۆکە سوورەکانی خوێنەوە کە نیشانەکانی بریتین لە:
زەردووی.
هەبوونی میزێکی قاوەیی یان سوور.
هەبوونی برین لە قاچدا.
هەبوونی نیشانەکانی بەردی زراو.
گەشەکردنی منداڵ./.
