بە پێی ڕاپۆرتی جام کوردی، ژووری بازرگانی ئەردەن ڕایگەیاندووە کە لە نێو وڵاتانی هاوردەکاری کاڵای بازرگانی لە ئەردەن لە مانگی کانوونی دووەم تا کۆتایی تەمموزی 2024، عێراق بە هاوردەی 546 ملیۆن و 150 هەزار دۆلار پلەی یەکەمی هەبووە.
سعوودیە بە 90 ملیۆن و 32 هەزار دۆلار، میسر بە 86 ملیۆن و 9 هەزار دۆلار و ئیمارات بە 73 ملیۆن و 380 هەزار دۆلار لە پلەکانی دواترەوە بوون.
ژووری بازرگانی ئەردەن ڕایگەیاندووە کە بۆ وەبەرهێنەرانی کەرتی کشتووکاڵ و ئاژەڵداری و سەرچاوە سرووشتییە خاوەکانی ئەم وڵاتە و هەروەها کاڵا و بەرهەمی دەرەکی کە دیسانەوە لە ئەردەنەوە هەناردە دەکرێنەوە، ئاسانکاری کراوە و ئەمەش زیاترین هەناردەی بۆ عێراق هەبووە.
هەناردەی ژووری بازرگانی ئەمان بۆ عێراق لە 7 مانگی ڕابردوو 740 ملیۆن و 950 هەزار دۆلار بووە کە بەراورد بە ماوەی هاوشێوەی ساڵی 2023 بە 683 ملیۆن و 8 هەزار دۆلار گەشەی لە سەدا 8.4 ی تۆمار کردووە./.
