بە پێی ڕاپۆرتی جام کوردی، بەرپرسی ناوەندی ئەربەعین لە وەزارەتی ناوخۆی کۆماری ئیسلامی ئێران، ئەمڕۆ هەینی 23 ی ئاب، ڕایگەیاند کە لەو 3 ملیۆن و 500 هەزار زیارەتکارەی کە سەردانی عێراقیان کردووە، زیاتر لە 2 ملیۆن کەسیان گەڕاونەتەوە وڵات.
سەید مەجید میرئەحمەدی ڕایگەیاند کە شەپۆلی گەڕانەوەی زیارەتکارانی چلەی شەهیدبوونی ئیمام حوسێن (ع) تا چەند رۆژی داهاتووش بەردەوام دەبێت.
ناوبراو وتی کە هیچ کێشەیەک بۆ گەڕانەوەی زیارەتکاران نییە و ڕێوشوێنی تایبەت بە گەڕانەوەی ئەو یەک ملیۆن و 500 هەزار کەسەش گیراوەتەبەر./.
