بە پێی ڕاپۆرتی جام کوردی، موعین کازمی ئەندامی لێژنەی دارایی پەرلەمانی عێراق ڕایگەیاند، وەزارەتی دارایی عێراق مانگانە پێویستی بە زیاتر لە حەوت ترلیۆن دینار هەیە بۆ دابینکردنی مووچەی سەرجەم فەرمانبەران.
ناوبراو وتی کە مووچەی فەرمانبەران بە تەواوی دابینکراوە و مەترسی دواکەوتنی لە سەر نییە.
ئەو ئەندامەی پەرلەمانی عێراق وتی: بانکی ناوەندیی عێراق بەردەوامە لە دابینکردنی پارەی پێویست بۆ خەرجکردنی مووچەی فەرمانبەران لە وادەی خۆیدا بە مووچەی هەرێمیشەوە.
کازمی جەختیكردەوە کە مووچەی فەرمانبەران بە تەواوی لە بودجەدا دابین کراوە و هیچ مەترسییەک لە سەر دواکەوتنی نییە./.
