سوودە سەرسوڕهێنەرەکانی خواردنی مۆز

بە پێی ڕاپۆرتی جام کوردی، دیارترین سوودەکانی خواردنی مۆز بریتین لە:

1 – مۆز پڕە لە ڤیتامین و کانزای پێویست.

2 – دەوڵەمەندە بە کاربۆهیدرات، مۆز هەڵبژاردەیەکی نایاب و باشە بۆ زیادکردنی وزە.

3 – مۆز سەرچاوەیەکی نایابی ڕیشاڵی خۆراکییە، ئەمەش پێویستە بۆ پاراستنی هەرسێکی تەندرووست و باشکردنی تەندرووستی ڕیخۆڵە.

4 – یارمەتیدەرێکی باشە بۆ بەڕێوەبردنی کێش، ئەگەری زیادەڕۆیی لە خواردن کەمدەکاتەوە.

5 – مۆز دەوڵەمەندە بە پۆتاسیۆم، کانزایەکی گرنگە بۆ تەندرووستی دڵ، پۆتاسیۆم بە هاوسەنگکردنی کاریگەرییەکانی سۆدیۆم پەستانی خوێن ڕێکدەخات، بەمەش مەترسی بەرزبوونەوەی پەستانی خوێن کەمدەکاتەوە.

6 – مۆز یارمەتیدەرە لە باشترکردنی تەندرووستی دەروونی و هەست کردن بە دڵخۆشی.

7 – ڤیتامین و کانزاکانی ناو مۆز بە تایبەت ڤیتامین سی و مەنگەنیز، ڕۆڵیان هەیە لە بەرهەمهێنانی کۆلاجین کە پێویستە بۆ پاراستنی پێست.

8 – پۆتاسیۆمی ناو مۆز یارمەتی باشترکردنی تەندرووستی ماسولکە و ئێسک دەدات، رێگری دەکات لە گرژبوون و ئازار./.