عومەر عینایەت ئەندامی خولی چوارەمی پەرلەمانی كوردستان لە بزوتنەوەی گۆڕان، لە وتووێژی لە گەڵ پەیامنێری جام كوردی ڕایگەیاند: بە بۆچوونی من هیچ کات نابینم ئۆپۆزسیۆن یەكڕیز بێت چ لە دەرەوەی پەرلەمان و چ لە ناو پەرلەماندا، بە تایبەت تەیارە ئیسلامییەكان دوورن لەو تەیارەی بەناو پێیاندەوترێت عەلمانی.
ناوبراو وتی: ئۆپۆزسیۆن مەسەلەی كەس و شەخسی سەربەخۆی تێدەكەوێت، هیچ كەسێك لە ئۆپۆزسیۆن وەك نەوەی نوێ، كۆمەڵ و یەكگرتوو، ئەو هێزە تازانەی كە بۆ ئەم خولە ناویان نووسیووە، ئەم هێزە ئۆپۆزسیۆنانە هیچیان پێكەوە ناگونجێن، ئەمەش دەرفەت دەخوڵقێنێت بۆ یەكێتی و پارتی كە بەو هەموو خیلافاتانەی لە نێوانیاندا هەیە، یان بەو هەموو تەخوێنكردنەی یەكترەوە، دەستبخەنەوەناو دەستی یەكتر و ئەوان حكومەت درووست دەكەنەوە.
عومەر عینایەت وتی: سەركردایەتی سیاسی ئەم حزبانەی ئێمە لە جیناتیاندا درووست نەبووە كە بڕوایان بە دەستاودەستكردنی دەسەڵات هەبێت و هەر حزبە زۆنێك بە تاپۆی خۆی دەزانێت، هاوكات حكومەتەكانی چواردەوری كوردستان و ئەمریكاش، هاوکارییان دەکەن./.
