بە پێی ڕاپۆرتی جام کوردی، ئەپیکۆر داوای بەڕێوەچوونی کۆبوونەوەی نێوان هەولێر و بەغدای کردووە بۆ دەستپێکردنەوەی هەناردەی نەوتی هەرێمی کوردستان لە زووترین کاتدا.
لە بەیاننامەیەکی ئەپیکۆردا هاتووە کە پێویستە هەناردەی نەوتی هەرێمی کوردستان لە ڕێگای تورکیاوە بە زووترین کات دەست پێبکاتەوە.
کۆمەڵەی پیشەسازی نەوتی کوردستان ئامادەیی خۆیی بۆ هەناردەکردنی نەوتی هەرێم بە مەرجی دەستەبەرکردنی گەیشتن بە داهاتەکانی پێشوو و داهاتوو و پابەندبوون بە هەلومەرجی ئابوری دەربڕیوە.
ئەپیکۆر بە ئاماژە بە بەڕێوەچوونی دانیشتنی کۆمەڵەی گشتی ڕێکخراوی نەتەوە یەکگرتووەکان، داوایکردووە حکومەتی ناوەندی عێراق بە هاوئاهەنگی حکومەتی هەرێم و کۆمپانیا نێودەوڵەتییەکان، ڕێوشوێنی تایبەت بۆ دەستپێکردنەوەی هەناردەی نەوتی هەرێمی کوردستان بگرێتەبەر.
هەناردەی نەوتی هەرێمی کوردستان لە ڕێگای بەندەری جەیهانی تورکیاوە لە 25 ی ئازاری 2023 تا ئێستا ڕاگیراوە. ڕێژەی هەناردەی نەوتی هەرێم ڕۆژانە 450 هەزار بەرمیل بووە. بەرپرسانی حکومەتی هەرێم ڕایانگەیاندووە کە زیانەکانی ڕاگرتنی هەناردەی نەوت زیاتر لە 19 ملیار دۆلار بووە./.
