بە پێی ڕاپۆرتی جام کوردی، وەزارەتی میراتی کەلتوری، گەشتیاری و پیشەسازی دەستی ڕایگەیاندووە کە ئەمە دیارییەکی سەرۆک کۆماری ئیسلامی ئێران و ئەنجامی بەدواداچوونی بەردەوامی وەزارەتی دەرەوە، وەزارەتی میراتی کەلتوری، گەشتیاری و پیشەسازی دەستی و جێگری سەرۆک کۆمار بۆ کاروباری یاسایی لە گەڵ دامەزراوەی ڕۆژهەڵاتناسی شیکاگۆیە کە بەشێکی نوێی بۆ ئێران گەڕێندراوەتەوە.
ئەم تابلۆیانە زۆرتر بە شێوەی بزماری و بە زمانی ئیلامی یان ئارامی بە شێوە و ڕەهەندی جیاوازن، کە بابەتەکانیان بە شێوەیەکی سەرەکی تایبەتن بە بەڕێوەبردنی سەرچاوەکان، ڕێگاوبانەکان، پەیوەندییە کۆمەڵایەتییەکان، پێداویستییە سەرەتاییەکانی ژیان، کرێ و ئابوری کۆمەڵگەی هەخامەنشییەکانی سەردەمی داریۆشی یەکەم.
لە مانگی ڕەشەممەی ساڵی 1311 ی کۆچی هەتاوی لە هەڵکۆڵینە شوێنەوارییەکانی دیوارەکانی پێرسپۆلیسدا، نزیکەی 30 هەزار تابلۆی گڵین لە سەردەمی هەخامەنشییەکان بە شێوەی بزمارییەوە لە لایەن بەشی شوێنەوارناسی پەیمانگای لێکۆڵینەوەی ڕۆژهەڵاتی زانکۆی شیکاگۆ (ئێرنست هێرزفێڵد) دۆزرایەوە. ساڵی 1314 ی کۆچی هەتاوی و پاش ڕێکەوتنی حکومەتی ئەوکاتەی ئێران لە گەڵ ئینستیتۆتی ڕۆژهەڵاتناسی زانکۆی شیکاگۆ، بڕیار درا کە تابلۆکان بسپێردرێتە ئینستیتۆتی ڕۆژهەڵاتناسی زانکۆی شیکاگۆ بۆ وەرگێڕان و لێکۆڵینەوە لە ناوەڕۆکەکانیان، و پرۆسەی گەڕاندنەوەیان هێشتا بەردەوامە.
پێشتر پێنج بەشی ئەو بۆردانە گەڕێندراونەتەوە بۆ ئێران. 179 پارچە لە ساڵی 1327، 37027 پارچە لە 1330، 300 پارچە لە 1383، 1783 پارچە لە 1398 و 3506 پارچە لە ساڵی 1402، کە هەروەها بە فڕۆکەی سەرۆکایەتی گواسترایەوە بۆ ئێران و نزیکەی 163 پارچەی لە 29ی ئایاری 1403. لە هەمان کاتدا لە گەڵ ڕۆژی جیهانی مۆزەخانە و دەسپێکی هەفتەی میراتی کەلتوری لە ئێران نمایش کران.
بە گوێرەی زانیاری شوێنەوارناسان و زمانناسان، ئەو نووسراوە گوڵانەی هەخامەنشییەکان کە لە دیوارەکانی پرسپۆلیسدا دۆزراونەتەوە، پەیوەندییان بە سەردەمی داریۆشی مەزن، دامەزرێنەری پرسپۆلیس (522 تا 485 پێش زایین) هەیە./.
