سەید ئەحمەد بەرزنجی لە میانەی بەشداریی لە ڕێوڕەسمی پرسەی شەهید سەید حەسەن نەسروڵڵا کە ڕۆژی دووشەممە 30 ی ئەیلول ی 2024 لە کۆنسووڵخانەی کۆماری ئیسلامی ئێران لە شاری سلێمانی بەڕێوەچوو، لە وتووێژی لە گەڵ دەزگای میدیایی جام کوردی، ڕایگەیاند کە شەهید سەید حەسەن نەسروڵڵا شۆڕشگێڕێکی جیهانی و سەرکردەیەکی نموونەیی و هەڕەشەیەکی گەورە لە سەر ئەمریکا و ڕژێمی داگیرکاری زایۆنیستی بوو.
ناوبراو بە گرنگییەوە باسی ڕێباز و مەکتەبەکەی سەید حەسەن نەسروڵڵای کرد و ڕایگەیاند کە هێندە کەسانی لێهاتوو و کارامە لەو مەکتەبەدا پەروەردە کراون کە وا دەکات ڕژێمی زایۆنیستی لەم تیرۆرە سەرکەوتن بە دەست نەهێنێت و ئەم تاوانەش بە واتای کۆتایی زایۆنیسمە./.
