ئۆپەراسیۆنی سەرکەوتووی زریانی ئەقسا خاڵی وەرچەرخانە لە مێژووی خەباتەکان و دەرکەوتنی مافی ڕەوا و توڕەیی کپکراوی گەلی فەڵەستین لە بەرگریکردن لە خاک و ڕوبەڕوبونەوەی سیاسەتی قڕکردن و حەفتا ساڵ چەوساندنەوەی حکومەتێکی سەرهەڵداو لە قووڵاییەکانی گۆڕستانی مێژوو و وەڵامدانەوەیەکی یەکلاکەرەوە و ڕەوا بۆ دەیان ساڵ دەستدرێژی، تاوانەکانی شەڕ، جینۆساید، هەڵاواردنی ڕەگەزی و تیرۆریزمی ڕێکخراوی ڕژێمی زایۆنیستی – فاشیستی دژی گەلی بێتاوانی فەڵەستینە لە کەرتی غەززە و کەرتی خۆرئاوا و قودسی پیرۆز.
ئەم ئۆپەراسیۆنە بۆشاییەکی قووڵی لە پێکهاتەی سەربازی، ئەمنی و سەربازی ڕژێمی زایۆنیستیدا درووست کرد و ڕووی ڕاستەقینەی ئەو ڕژێمەی بۆ جیهان ئاشکرا کرد و شکستێکی ستراتیژیی قەرەبوونەکراوی لە ڕووی سەربازی و هەواكگرییەوە بۆ زایۆنیستەکان هێنایە پێشەوە و ئەو وێنەیەی لەناوبرد کە زایۆنیستەکان بانگەشەیان دەکرد قەد نادۆڕێن و شکست ناهێنن. هەروەها ئەوەشی ئاشکرا کرد کە ئەمریکا و وڵاتانی ڕۆژئاوا بە هۆی پشتیوانیکردنی ماددی، سیاسی و سەربازییەوە دەستیان لەو هەموو تاوانەدا هەیە کە ڕژێمی زایۆنیستی لە ماوەی یەک ساڵی ڕابردوو لە غەززە و لوبنان کردوویەتی.
ئێستا بە یارمەتی خودا، پاش یەک ساڵ لەم ئۆپەراسیۆنە، گرووپە خۆڕاگرییە ئیسلامییەکان و هەموو لقەکانی لە غەززە و لوبنان لە هەماهەنگییەکی بەردەوامدان و هەر هەوڵێک بۆ دابینکردنی ئیرادەی جێگرەوە لە دەرەوەی کۆدەنگی نیشتمانی و بڕیاری گەلی فەڵەستین سەبارەت بە قۆناغی پاش شەڕ و ڕێگری لە گەیشتن بە مافی چارەی خۆنووسین، بە داگیرکاری و پێشێلکردنی مافی ڕەوا دەزانێت و جەخت لە سەر کشانەوەی سەرجەم هێزەکانی ڕژێمی ساختەی زایۆنیستی لە ناوچە داگیرکراوەکان، کردنەوەی خاڵە سنورییەکان، هەڵگرتنی گەمارۆی زاڵمانە و ئاوەدانکردنەوەی کەرتی غەززە، ئاڵوگۆڕی دیلەکان و لە ئاکامدا پێکهێنانی وڵاتی سەربەخۆی فەڵەستین بە پایتەختی قودسی پیرۆز دەکاتەوە.
سەرکەوتنی کۆتایی خۆڕاگری نزیکە و زەنگی مردن و ڕووخانی سیستەمی ڕەش و لەناوچوونی ڕەوتی ستەمکاری جیهانی لێدراوە و ئەمڕۆش بەرپرسیارێتی مێژوویی گەلان لە ناوچەکە درێژەدانە بە ڕێبازی شەهیدانی خۆڕاگری ئیسلامی، سەرداری دڵەکان شەهید حاجی قاسم سولەیمانی، سەیدی خۆڕاگری شەهید سەید حەسەن نەسروڵڵا و تێکۆشەری شەهید حاجی ئیسماعیل هەنیە و درێژەدان بە بەرەنگاربوونەوەی پرۆژەی ئەمریکی – زایۆنیستی لە ناوچەکەدا./.
