بە پێی ڕاپۆرتی جام کوردی، وەزارەتی تەندرووستی غەززە ڕایگەیاندووە کە ژمارەی قوربانیانی تاوانەکانی ڕژێمی زایۆنیستی لە 7 ی تشرینی یەکەمی 2023 تا 18 ی تشرینی دووەمی 2024 گەیشتووەتە 43 هەزار و 922 شەهید و 103 هەزار و 898 کەسیش بریندار بووە.
ئەو وەزارەتە ڕایگەیاندووە کە دوژمنی زایۆنیستی لە ماوەی 24 کاتژمێری ڕابردوو چوار تاوانی لە کەرتی غەززە کردووە و لە ئەنجامی ئەمەش 76 کەس شەهید و 158 کەس بریندار بوون.
وەزارەتی تەندرووستی غەززە هەروەها ڕایگەیاندووە کە ژمارەیەک لە قوربانییەکان لە ژێر داروپەردووی بینا ڕووخاوەکاندان و فریاگوزاری خێرا و بەرگری شارستانی توانای دۆزینەوەی تەرمەکانیان نییە./.
