بە پێی ڕاپۆرتی جام کوردی، هاکان فیدان وەزیری دەرەوەی تورکیا ڕایگەیاند کە دەستەی تەحریری شام ساڵانێکە زانیاری گرنگی لە سەر چالاکی و ئەندامانی گرووپە تیرۆریستییەکانی وەک داعش و قاعیدە بە ئەنکەرە داوە.
ناوبراو ڕایگەیاند کە دەستەی تەحریری شام دە ساڵە هیچ چالاکییەکی تیرۆریستیی نەبووە.
فیدان سەبارەت بە ئەگەری سڕینەوەی ناوی دەستەی تەحریری شام لە لیستی تیرۆری تورکیا ڕایگەیاند کە ئەنکەرە پابەندی بڕیارەکانی ئەنجومەنی ئاسایشە.
وەزیری دەرەوەی تورکیا ڕایگەیاند کە بە مەبەستی کۆبوونەوە لە گەڵ بەرپرسانی نوێی سوریا سەردانی دیمەشق دەکات./.
