بە پێی ڕاپۆرتی جام کوردی، سندوقی منداڵانی ڕێکخراوی نەتەوە یەکگرتووەکان (یونیسێف) ڕایگەیاندووە کە لە هەفتەی یەکەمی ساڵی 2025، بە هۆی بەردەوامی هێرشەکانی ڕژێمی زایۆنیستییەوە، 74 منداڵ لە کەرتی غەززە گیانی خۆیان لە دەست داوە.
کاترین ڕاسڵ بەڕێوەبەری جێبەجێکاری یونیسێف ڕایگەیاندووە کە ساڵی نوێ بە هۆی بەردەوامی هێرشەکانی ڕژێمی زایۆنیستی و برسێتی و سەرماوە بووەتە ساڵی ئێش و ئازار و مردنی منداڵانی غەززە.
ڕژێمی زایۆنیستی لە 7 ی تشرینی ساڵی 2023 ەوە تا ئێستا بە بۆردومانی بەردەوامی کەرتی غەززە و ڕووخاندنی ژێرخانەکانی ئەم ناوچەیە بە تایبەت ژێرخانی تەندرووستی و بە گەمارۆدانی خەڵک، کارەساتێکی مرۆیی کەم وێنەی خوڵقاندووە کە بەداخەوە ڕێکخراوە نێودەوڵەتییەکان لە ڕاگرتنی ئەو هێرش و بۆردومانانەدا شکستیان هێناوە و تاوانەکانیش بە هاوکاری ئەمریکا و وڵاتانی ڕۆژئاوا دەکرێت./.
