بە پێی ڕاپۆرتی جام کوردی، چارەسەری ماڵەوە یارمەتیدەرە بۆ تێپەڕاندنی بەردی گورچیلە و کەمکردنەوەی ئازار، بە مەرجێک بەردەکە بچووک بێت و پێویستی بە دەستێوەردانی پزیشکی جیدی نەبێت.
لە ماڵەوە چۆن ئەم نەخۆشییە چارەسەر بکەین؟
- زیادکردنی وەرگرتنی ئاو:
یەکێک لە گرنگترین ڕێگاکان بۆ ڕزگاربوون لە بەردی گورچیلە بریتییە لە خواردنەوەی ئاوی پێویست. بەکارهێنانی لانیکەم ٢ بۆ ٣ لیتر ئاو لە ڕۆژێکدا دەبێتە هۆی زیادکردنی لابردنی بەرد.
- ئاوی لیمۆ و سرکەی سێو:
ئاوی لیمۆ: ئاوی لیمۆ ترشی لیمۆی تێدایە، کە دەتوانێت بەردی کالیسیۆم تێکبشکێنێت و ڕێگری بکات لە دروستبوونی بەردی نوێ.
سرکەی سێو: یەک کەوچک سرکەی سێو لە گەڵ پەرداخێک ئاو تێکەڵ بکە و پێش ژەمەکان بیخۆ. ئەم تێکەڵەیە یارمەتیدەرە بۆ هاوسەنگکردنی pH ی جەستە و کەمکردنەوەی قەبارەی بەردی گورچیلە.
- زەیتی زەیتون و ئاوی لیمۆ:
دوو کەوچک زەیتی زەیتون لە گەڵ هەمان بڕی ئاوی لیمۆ تێکەڵ بکە و یەکسەر پەرداخێک ئاو بخۆرەوە.
- کەمکردنەوەی بەکارهێنانی خوێ و پرۆتینی ئاژەڵ:
زۆر خواردنی خوێ و پرۆتینی ئاژەڵی وەک گۆشتی سوور مەترسی دروستبوونی بەردی گورچیلە زیاد دەکات. کەمکردنەوەی بەکارهێنانی ئەم ماددانە یارمەتیدەرە بۆ ڕێگریکردن لە گەشەکردنی بەردەکان.
- وەرزشی سووک
چالاکیی جەستەیی بەردەوام دەتوانێت یارمەتیدەر بێت لە جوڵاندنی بەردی گورچیلە و ئاسانکاری بۆ دەردانی. ڕۆیشتن یان وەرزشی سووک باشترین بژاردەکانن./.
