یاسین مەحمود ڕەشید لە وتووێژی لە گەڵ پەیامنێری جام کوردی سەبارەت بە پەیوەندییە ئابورییەکانی نێوان هەرێمی کوردستان و کۆماری ئیسلامی ئێران، وتی: بە بۆچوونی من ساڵی 2025 گرنگی و بایەخێکی زۆری لە ڕووی برەودان بە ئاڵوگۆڕە ئابوری و بازرگانییەکان هەیە و ساڵی 2024 سەرکەوتنی گەورەمان لە ئاڵوگۆڕ و پەیوەندییە ئابوری و بازرگانییەکان بە دەست هێنا.
ناوبراو وتی: چاوەڕوانی ئەوە دەکەین بە چارەسەرکردنی کێشە و کەموکورتییەکانی ساڵانی ڕابردوو، ساڵی 2025 بکەینە ساڵی برەودان بە پەیوەندییە ئابوری و بازرگانییەکان.
یاسین مەحمود وتی: هەوڵ دەدەین بازاڕچەکانمان زیاتر لە ڕابردوو خزمەتگوزاری پێشکەش بکەن و هیوادارین لە ناوەڕاستی ئەمساڵدا ناوچەی ئازادی مەریوان و بانە بە تەواوی بکەوێتە بواری جێبەجێکردنەوە.
سەرۆکی یەکێتی وەبەرهێنەرانی کوردستان – سلیمانی وتی: هەوڵ دەدەین کۆمیتە هاوبەشەکانمان بۆ چارەسەرکردنی کێشە و گرفتەکان چالاک بکەین و پێشانگا هاوبەشەکان بەڕێوە ببرێن و ئەو کێشە و گرفتانەش لە دەروازە سنورییەکاندا هەیە بەرەو چارەسەر ببرێن، هەروەها پێویستە بانکەکانی ئێران لە هەرێمی کوردستاندا ڕۆڵ ببینن تا ئێمە ببینە خاوەنی یەک بەرنامەی هاوبەش./.
