بە پێی ڕاپۆرتی جام کوردی، هاکان فیدان ڕۆژی یەک شەممە بە سەردانێک گەیشتە بەغدا و لە گەڵ لەتیف ڕەشید سەرۆک کۆماری عێراق کۆبووە.
نووسینگەی سەرۆک کۆماری عێراق ڕایگەیاندووە کە لەو کۆبوونەوەدا پەیوەندییە دووقۆڵییەکانی نێوان بەغدا و ئەنکەرە و چۆنیەتی پەرەپێدانی تاوتوێ کرا.
لەتیف ڕەشید بە وەزیری دەرەوەی تورکیای ڕاگەیاند کە عێراق هەموو دەستێوەردانێک ڕەتدەکاتەوە و پێویستە ڕێز لە سەروەری و ئاسایشی نیشتمانی و سەربەخۆیی عێراق بگیرێت.
ناوبراو بە ئاماژە بە گرنگی پەیوەندییەکانی نێوان عێراق و تورکیا، ڕایگەیاند کە بەغدا بەپەرۆشە بۆ بونیاتنانی پەیوەندییەکی پێشکەوتوو لە گەڵ تورکیا لە سەر بنەمای ڕێزی بەرامبەر و بەرژەوەندی هاوبەش.
ڕاشیگەیاند کە پێویستە هاوکارییەکانی نێوان هەر دوو وڵات بۆ ڕوبەڕوبونەوەی هەڕەشەی گرووپی تیرۆریستی داعش لە پێناو بەدیهاتنی ئاسایش و سەقامگیری لە سەر ئاستی ناوچەیی و نێودەوڵەتی زیاتر ببێت./.
