بە پێی ڕاپۆرتی جام کوردی، ئاسن یەکێکە لە گرنگترین پێکهاتەکانی هیمۆگلۆبینه. ڕۆڵی سەرەکی هیمۆگلۆبین لە جەستەدا بریتییە لە گواستنەوەی ئۆکسجین لە سییەکانەوە بۆ هەموو خانەکانی جەستە. ئەگەر ئاسنی خوێنت کەم بێت، ئەوا بڕی وەرگرتنی ئۆکسجین لە جەستەتدا کەم دەبێتەوە.
نیشانەکانی کەمی ئاسن لە خوێندا بریتین لە:
ماندوێتی زۆر:
یەکێک لە باوترین نیشانەکانی کەمی ئاسنه، ئەمەش بەو مانایەیە کە جەستە بە زەحمەت ئۆکسجین دەگوازێتەوە بۆ خانەکانی.
دووبارەبوونەوەی هەوکردنەکان:
ئاسن ڕۆڵێکی سەرەکی دەگێڕێت لە سیستەمی بەرگری تەندرووستیدا، بۆیە ئاستێکی بچووکی ئەم کانزایە وا دەکات مرۆڤ هەستیارتر بێت بەرامبەر بە هەوکردنەکان.
پێستی جەستە کە کاڵە:
هیمۆگلۆبین ڕەنگی سووری خۆی بە پێست دەبەخشێت، بۆیە ئاستی کەمی هیمۆگلۆبین دەبێتە هۆی ئەوەی پێست بێ ڕەنگ بێت و ئەمەش ڕەنگە نیشانەی کەمی ئاسن بێت.
ئاوسانی زمان:
ئازار یان ئاوسانی زمان دەتوانێت نیشانەی کەمی ئاسن بێت.
نەخۆشی پێ:
هەندێک کەس کە کەمی ئاسنیان هەیە تووشی نەخۆشی نائارامی پێ دەبن، ئەمەش وادەکات مەیلی جوڵاندنی پێیەکانیان هەبێت.
پیکا:
لەوانەیە ئەو کەسانەی کەمی ئاسنیان هەیە ئارەزووی ناخۆراکی وەک خاک یان گچکە بکەن. ئەو نەخۆشیەی بە پیکا ناسراوە.
قژ هەڵوەرین:
کەمی ئاسن بە تایبەت لە کاتی گۆڕینی بۆ کەمخوێنی، دەبێتە هۆی هەڵوەرینی قژ. ئەگەر بۆت دەرکەوت کە هەڵوەرینی قژ زۆرە و جارێکی تر گەشە ناکات، لەوانەیە نیشانەی کەمی ئاسن بێت./.
