بە پێی ڕاپۆرتی جام کوردی، بازرگانی تورکیا لە گەڵ سعوودیە، قەتەر، بەحرەین، ئیمارات، عۆمان، کوێت، عێراق و ئێران لە ساڵانی ڕابردوودا بە واژۆکردنی ڕێکەوتنە ئابورییەکان و پتەوکردنی پەیوەندییە دیپلۆماسییەکان، بە شێوازی بەرچاو گەشەی کردووە.
دەستەی ئاماری تورکیا ڕایگەیاندووە کە کۆی گشتی هەناردەی ئەم وڵاتە بۆ وڵاتانی ئاماژەپێدراو لە 5 ساڵی ڕابردوو، 126 ملیار و 696 ملیۆن دۆلار بووە.
عێراق بە 59 ملیار و 800 ملیۆن دۆلار هاوردە لە تورکیا، لە پلەی یەکەمدا بووە.
لەم ماوەیەدا هەناردەی تورکیا بۆ ئیمارات 3 هێندە زیادی کردووە و لە 2 ملیار و 800 ملیۆن دۆلار گەیشتووەتە 8 ملیار و 300 ملیۆن دۆلار.
کۆی گشتی هاوردەی تورکیا لە وڵاتانی ناوچەکەش لەم 5 ساڵەدا 83 ملیار و 400 ملیۆن دۆلار بووە./.
