بە پێی ڕاپۆرتی جام کوردی، لەتیف ڕەشید سەرۆک کۆماری عێراق لە دۆسیەی مووچەی فەرمانبەرانی هەرێمی کوردستان سکاڵای یاسایی لە سەر محەممەد شیاع سودانی سەرۆک وەزیرانی ئەم وڵاتە تۆمار کرد.
سکاڵاکەی سەرۆک کۆماری عێراق لە سەر مووچەی فەرمانبەرانی هەرێمی کوردستان و پابەندکردنی وەزارەتی دارایی ئەم وڵاتەیە بە دابینکردنی مووچە.
سکاڵاکەی لەتیف ڕەشید کە دادگای باڵای فیدراڵی عێراق بڵاویکردووەتەوە، لە چوار خاڵ پێکهاتووە و داوایکردووە فەرمانێکی وەلائی خێرا بە پابەندکردنی وەزارەتی دارایی عێراق بە خەرجکردنی مووچەی فەرمانبەرانی هەرێم بە شێوەیەکی بەردەوام بە بێ وەستان دەربکرێت.
سکاڵاکەی سەرۆک کۆماری عێراق بۆ جێبەجێکردنی بەبانکیکردنی مووچەیە بە پێی ڕێنماییەکانی بەبانکیکردن.
لەو سکاڵایەدا هاتووە کە بەبانکیکردنی مووچەی فەرمانبەرانی هەرێم هاوشێوەی ئەو ڕێکارانە بێت کە لە حکومەتی عێراق دەگیرێنەبەر./.
