بە پێی ڕاپۆرتی جام کوردی: شێخ جەلال نووری کە ڕۆژی شەممە بە سەرۆکایەتی وەفدێک لە سنووری پەرویزخانەوە گەیشتە ئێران بۆ بەشداریکردن لە مەراسیمی کردنەوەی پڕۆژەکانی ناوچەی پیشەسازی و بازرگانی ئازادی قەسرشیرین گوتی: “ناوچەی پیشەسازی و بازرگانی ئازادی قەسرشیرین بۆ پارێزگای کرماشان گرنگە و ئەوان سوودێکی زۆری لێوەردەگرن.” ئێمه هەموو هەوڵێکی خۆمان له هەرێمی کوردستانی عێراق دەخەینە گڕ بە مەبەستی هاوکاری کردن، نەک تەنها له بواری هاورده کردنەوە، بەڵکو له بواری هەنارده کردنیشدا.
ناوبراو گوتی: ناوچەی بازرگانی ئازادی قەسرشیرین و سنووری پەرویزخان دەروازەیەکی سەرەکی بازرگانی هەرێمی کوردستانی عێراقن و ئێمە لە گەرمیاندا ئامادەین پەیوەندییە ئابوورییەکان لەگەڵ پارێزگای کرماشان پەرە پێبدەین.
سەرپەرشتیاری ئیدارەی گەرمیان، گوتی: ئاسایشی ناوچەکە، بازرگانان و کڕیاران و فرۆشیاران دڵنیا دەکاتەوە و دەتوانین بە هاوکاری بەردەوام و یەکڕیزی، ئەو کێشانەی کە ڕووبەڕووی هەردوولا دەبنەوە چارەسەر بکەنین.
ناوبراو وتیشی: ئێمه له ئیدارەی گەرمیان به هاوکاری لەگەڵ بازرگانانی سلێمانی و گەرمیان به تەواوی پاڵپشتی ناوچەی ئازاد دەکەین و هیوادارین ئەمە ببێته خاڵێکی به هێز و وەچەرخەنێکی بنەڕەتی بۆ به هێزکردنی چالاکییه ئابوورییەکانی هەر دوولا.
نووری وتیشی: بە لەبەرچاوگرتنی خاڵە هاوبەشەکانی نێوان هەردوولا، لە داهاتوویەکی نزیکدا هەموو هەوڵێکی خۆمان دەخەینە گڕ بۆ ئاسانکاری چالاکییە ئابوورییەکانی نێوان هەردوولا.
