بە پێی ڕاپۆرتی جام کوردی، سەرەڕای سزاکان و سنوردارکردنی گواستنەوەی پارە بۆ ئێران، بەڵام ڕێژەی بازرگانیی نانەوتی لە 11 مانگی ڕابردووی ئەمساڵی کۆچی هەتاوی گەیشتووەتە 117 ملیار دۆلار.
فرود عەسگەری جێگری وەزیری ئابوری و سەرۆکی ڕێکخراوی گومرکی ئێران ڕایگەیاندووە کە لە 11 مانگی ڕابردوودا ترانزێتی دەرەکی لە ڕێگای ئەم وڵاتەوە لە سەدا 26 بەرزبوونەوەی هەبووە.
ناوبراو وتی: ترانزێتی دەرەکی ئێران لە 11 مانگی ڕابردووی ساڵی 1403 ی کۆچی هەتاوی بەراورد بە ماوەی هاوشێوەی ساڵی ڕابردوو لە سەدا 26 بەرزبوونەوەی هەبووە و گەیشتووەتە 20 ملیۆن و 300 هەزار تەن.
ڕاشیگەیاندووە کە زیاترین ڕێژەی ترانزێتی دەرەکی لەم 11 مانگەدا لە گومرکی ناوچەی تایبەتی شەهید ڕەجایی بە 5.3 ملیۆن تەن، پەروێزخان بە 4.6 ملیۆن تەن و باشماخ بە 2.7 ملیۆن تەن بووە.
سەرۆکی ڕێکخراوی گومرکی ئێران هەروەها ڕایگەیاند کە لەم ماوەیەدا بازرگانیی دەرەکی گەیشتووەتە 117 ملیار دۆلار کە لە سەدا 11.2 گەشەی هەبووە.
عەسکەری وتی: ڕێژەی بازرگانیی دەرەکی ئێران لەم 11 مانگەدا لە ڕووی کێشەوە 176 ملیۆن و 102 هەزار تەن بووە کە بەراورد بە ماوەی هاوشێوەی ساڵی ڕابردوو لە سەدا 9.2 بەرزبوونەوەی هەبووە.
ناوبراو ڕایگەیاند کە لە کۆی گشتی هەناردەی نانەوتیی ئێران 53 ملیار و 376 ملیۆن دۆلار پەیوەندی بە هەناردەی نانەوتی (بە بێ هەژمارکردنی هەناردەی نەوت، کارەبا، خزمەتگوزاری ئەندازیاری و تەکنیکی و هەروەها هەناردەی جانتایی لە ڕێگای کەسەکانەوە بووە) و 63 ملیار و 606 ملیۆن دۆلاریش پەیوەندی بە هاوردەوە هەبووە کە هەناردەی نانەوتی بەراورد بە ماوەی هاوشێوەی ساڵی ڕابردوو لە سەدا 19 و هاوردەش لە سەدا 5.6 بەرزبوونەوەی هەبووە.
سەرۆکی ڕێکخراوی گومرکی ئێران ڕایگەیاند کە لە 11 مانگی ڕابردووی ساڵی 1403 ی کۆچی هەتاوی، 141 ملیۆن تەن کاڵا هەناردە و 35 ملیۆن تەن کاڵا هاوردە کراوە.
وتیشی کە هەناردەی نانەوتی لە ڕووی کێشەوە لە سەدا 12.6 بەرزبوونەوەی هەبووە و هاوردە لەم ماوەیەدا لە ڕووی کێشەوە لە سەدا 2.6 دابەزینی تۆمار کردووە.
فرود عەسکەری سەبارەت بە 7 وڵاتی سەرەکیی ئامانجی هەناردەی ئێران وتی: لە 11 مانگی ڕابردووی ئەمساڵی کۆچی هەتاوی، چین بە 13 ملیار و 800 ملیۆن دۆلار، عێراق بە 11 ملیار و 200 ملیۆن دۆلار، ئیمارات بە 6 ملیار و 600 ملیۆن دۆلار، تورکیا بە 6 ملیار و 400 ملیۆن دۆلار، ئەفغانستان بە 2 ملیار و 200 ملیۆن دۆلار، پاکستان بە 2 ملیار و 200 ملیۆن دۆلار و هیندستان بە 1 ملیار و 800 ملیۆن دۆلار بە 7 وڵاتی سەرەکیی ئامانج لە هەناردەی ئێران دادەنرێن.
ناوبراو ڕایگەیاند کە لە سەدا 82 ی کۆی گشتی هەناردەی ئێران لە ڕووی کێشەوە و لە سەدا 83 ی لە ڕووی بەهاوە، پەیوەندی بەم 7 وڵاتەوە هەبووە.
ڕاشیگەیاند کە ئیمارات بە 19 ملیار و 100 ملیۆن دۆلار، چین بە 16 ملیار و 600 ملیۆن دۆلار، تورکیا بە 11 ملیار و 100 ملیۆن دۆلار، ئەڵمانیا بە 2 ملیار و 100 ملیۆن دۆلار، هیندستان بە 1 ملیار و 400 ملیۆن دۆلار، ڕووسیا بە 1 ملیار و 200 ملیۆن دۆلار و هۆنگ کۆنگ بە 1 ملیار و 200 ملیۆن دۆلار، ئەو 7 وڵاتەن کە ئێران لە ماوەی 11 مانگی ڕابردووی ساڵی 1403 ی کۆچی هەتاوی زیاترین هاوردەی لەوانەوە هەبووە./.
