بە پێی ڕاپۆرتی جام کوردی، عومەر مەرموش لە کاتی ئامادە بوونی لە مانچستەرسیتی لە وەرزی گۆڕانکاری وەرزشی زستاندا، توانیویەتی بە درێسی ئەم تیپە ئاستێکی باش پێشکەش بکات و هیوادارە بتوانێت بارودۆخەکە بۆ خۆی باشتر بکات، بەڵام ئەم وەرزە ئەرکێکی زۆر قورسی لەبەردەمدایە.
ڕۆژی ڕابردوو ئەم یاریزانە میسرییە توانی یەکێک لە دوو گۆڵی تیپەکەی بەرامبەر برایتۆن تۆمار بکات، بەڵام یارییەکە بە ئەنجامی 2-2 کۆتایی هات و مانچستەرسیتی بۆ جارێکی دیکە سێ خاڵی لەم یاریەدا لەدەستدا و ئەمەش وایکرد کە مەرموش لەم دۆخە ڕازی نەبێت.
مەرموش لە وتووێژێکدا لە گەڵ ماڵپەرەی فەرمی یانەی مانچستەرسیتی ڕایگەیاند: یاریزانان و ستافی تەکنیکی لە یانەی مانچستەرسیتی زۆر باشن. من تەنیا هەوڵ دەدەم ئەوەندەی لە توانامدا بێت فێربم و گوێ لە ڕاهێنەر و هەموو ئەو شتانە بگرم کە پێم دەڵێت. توانیم گۆڵێک تۆمار بکەم بەڵام بەس نەبوو بۆ بەدەستهێنانی سێ خاڵ، بۆیە هەست بە باشی ناکەم. پێویستە هەموومان بەردەوام بین لە هەوڵدان.
ناوبراو لە درێژەدا ڕایگەیاند: بردنەوەی پشکی چامپیۆنزلیگ کێشەیەکی گەورەیە، بەڵام ئێمە هەموو هەوڵێکی خۆمان دەدەین. ئێمە هەمیشە بە هەموو توانامانەوە لە یاریگاداین و هیوادارین بتوانین ئەم ئامانجە بەدەست بهێنین. پێویستە کوالیتی خۆمان زیاتر پیشان بدەین./.
