بە پێی ڕاپۆرتی جام کوردی، تێس ئینیگرام وتەبێژی یۆنیسێف (سندۆقی منداڵانی ڕێکخراوی نەتەوە یەکگرتووەکان) رۆژی پێنج شەممە 20 ی ئاداری 2025 ڕایگەیاند کە لە گەڕی نوێی هێرش و بۆردومانەکانی ڕژێمی زایۆنیستی بۆ سەر غەززە، زیاتر لە 200 منداڵی فەڵەستینی شەهید و بە هەزارانی دیکەش بریندار بوون.
ناوبراو بە کەناڵی جزیرەی ڕاگەیاند کە بە هۆی بۆردومانەکانی ڕژێمی زایۆنیستییەوە، بە هەزارن کەس بەردەوام شوێنی خۆیان دەگۆڕن.
نووسینگەی ڕۆژنامەوانی حکومی لە غەززەش ڕایگەیاندووە کە ژمارەی قوربانیانی هێرشەکانی ئەمجارەی ڕژێمی زایۆنیستی لە ماوەی 72 کاتژمێردا گەیشتووەتە 591 شەهید و 1042 بریندار.
ئەو دامەزراوەیە ڕایگەیاندووە کە لە سەدا 70 ی شەهید و بریندارەکانیش، ژن و منداڵ و کەسانی بەساڵاچوون و بەڵگەی ئەوەیە کە ڕژێمی زایۆنیستی تەنیا خەڵکی مەدەنی دەکاتە ئامانج./.
