کۆماری ئیسلامی ئێران تەنیا پشتیوانی گەلی فەڵەستینە، ئەمەش لە کاتێکدایە کە وڵاتانی عەرەبی نەک تەنیا خەڵکی فەڵەستین و بە تایبەت غەززەیان پشتگوێ خستووە، بەڵکوو لە دژی ئەوان زۆر هاوکاری ئەمریکا و ڕژێمی زایۆنیستیشیان کردووە.
ئێران بە ئاشکرا پشتیوانی گەل و لایەنە فەڵەستینییەکان بووە و هۆکاری دوژمنایەتیشی لە گەڵ ڕژێمی زایۆنیستی، گرنگیدان و پشتیوانی لە دۆزی ڕەوای فەڵەستینە و لەم ڕێگایەشدا بەردەوام تێچووی هەبووە و هیچ کات لەم ئامانجەش پاشگەز نەبووەتەوە.
ڕۆژی جیهانیی قودس دەرفەتێکە کە تا خەڵکی ئازادیخوازی جیهان جارێکی دیکە پشتیوانی و یەکگرتنی خۆیان لە گەڵ فەڵەستین و غەززەی زوڵملێکراو پیشان بدەن و دەنگی هاواو و مافخوازیی ئەوان بە گوێی جیهانیاندا بگەێنن.
ڕۆژی جیهانیی قودس بووەتە هێمای یەکڕیزی موسڵمانان و پشتیوانی لە گەلی فەڵەستین، ئەگەرچی هەندێک سەرکردە و حکومەتی بەکرێگیراوی عەرەب بەردەوام لە دژی ئەم یەکڕیزییە پیلانگێڕی دەکەن و پەیوەندییەکانیان لە گەڵ ڕژێمی زایۆنیستی ئاسایی کردووەتەوە.
ڕۆژی قودس یادگارەکەی حەزرەتی ئیمام خومەینی (رە) و بەڵگەی ئاشکرای پشتیوانی خەڵکانی ئازادیخوازی جیهانە لە قودسی پیرۆز و گەلێکی ئازارچێشتوو کە دەڕژێنە سەر شەقامەکان و بە یەک دەنگ هاواری ئازادیی فەڵەستین دەکەن.
ئەم ڕۆژە نەک تەنیا لە مێژووی ئیسلام، بەڵکوو لە مێژووی مرۆڤایەتیدا وەک هێمایەکی ئیرادەی خۆڕاگری تۆمار کراوە./.
