بە پێی ڕاپۆرتی جام کوردی، نوخشە ناسیح بە ئاماژە بەوەی کە کۆماری ئیسلامی ئێران لە سەردەمی بۆردومانی کیمیایی هەڵەبجە لە گەڵ خەڵکی زوڵملێکراوی ئەم شارەدا بووە، وتی: هیچ کات هاوکاری و پشتیوانییەکانی کۆماری ئیسلامی ئێران لەو سەردەمەدا لەبیر ناکەین و ئەمڕۆش لەو بڕوایەداین کە پتەوکردنی هاوکارییەکان لە بوارە جیاجیاکان، بە تایبەت ئابوری، پزیشکی و پەروەردە، دەبێتە هۆی ئارامی، ئاسوودەیی و ئاسایشی خەڵک. هاوکارییەکانی کۆماری ئیسلامی ئێران مێژووییە و ئێستا کاتی پەرەپێدانی هاوکارییەکانە.
پارێزگاری هەڵەبجە بەوەکالەت وتی: دەروازە سنورییەکانی شۆشمێ و شێخ سڵە دەفرایەتییەکی زۆریان بۆ پەرەپێدانی ئاڵوگۆڕە بازرگانییەکان هەیە و ئێمە ئامادەین بە هاوئاهەنگی تەواو، ئاسانکاری بۆ ئاڵوگۆڕە بازرگانییەکان و چالاکی سەرمایەدانەران بکەین.
نوخشە ناسیح ئامادەیی هەڵەبجەی بۆ هاوکاری لە گەڵ زانکۆکان، چالاکوانانی ئابوری، کەرتی گەشتیاری و ناوەندە تەندرووستییەکانی پارێزگای کرماشان دەربڕی و وتی: لە داهاتوودا بە فەرمیبوونی پارێزگاری، دەسەڵاتی زیاتر بۆ بەدواداچوونی ڕێکەوتنە هاوبەشەکان دەبێت و هەوڵ دەدەین دەروازە سنورییەکان بە شێوازی ڕۆژانە و تا 14 کاتژمێر چالاک بن./.
