بە پێی ڕاپۆرتی جام کوردی، لە کۆبوونەوەی نێوان فەرامەرز ئەسەدی و سەعدی ئەحمەد پیرە، بارودۆخی سیاسی ناوچەکە بە گشتی و عێراق و هەرێمی کوردستان بە تاتبەت تاوتوێ کرا و سەرکۆنسووڵی کۆماری ئیسلامی ئێران ڕایگەیاند: ئێران بە بایەخ و گرنگی زۆرەوە دەڕوانێتە بارودۆخی سیاسی عێراق بە گشتی و هەرێمی کوردستان بە تایبەتی لە پێناو سەقامگیری سیاسی و ئاشتی و بەرەوپێشچوونی پرۆسەی سیاسی و گەشەسەندنی ئابوری و ئاوەدانی زیاتر و بەهێزکردنی دیمۆکراسی لە ناوچەکەدا.
لە درێژەی ئەو کۆبوونەوەدا سەعدی ئەحمەد پیرە ڕایگەیاند کە یەکێتی خوازیاری چارەسەرکردنی دیپلۆماسییانەی کێشە سیاسییەکانە لە سەر بنەمای بەند و بڕگەکانی دەستووری هەمیشەیی عێراق لە ڕێگای وتووێژی ئاشتییانە و لە یەکتر تێگەیشتن بە ئاراستەی چارەسەری گونجاو کە ببێتە هۆی خێر و خۆشی و سەقامگیری بۆ گەلانی عێراق./.
