بە پێی ڕاپۆرتی جام کوردی، ئومێد خۆشناو کە بە مەبەستی بەشداری لە پێشانگای نێودەوڵەتی ئێران ئێکسپۆ 2025 سەردانی تارانی کردووە، لە گەڵ عەبدولکەریم حوسێن زادە جێگری سەرۆک کۆماری ئیسلامی ئێران کۆبووە.
حوسێن زادە لەو کۆبوونەوەدا جەختی لە سەر بەرەوپێشبردنی زیاتری دۆستایەتی و پەیوەندی مێژوویی نێوان گەلی ئێران و گەلی کورد و پتەوکردنی پەیوەندییە گشتی و کەلتوری و ئابورییە هاوبەشەکان کردەوە.
ئومێد خۆشناو پارێزگاری هەولێریش ڕایگەیاند کە پاڵپشت و هاوکارن بۆ زیاتر بەرەوپێشچوونی پەیوەندییەکانی نێوان هەرێمی کوردستان و کۆماری ئیسلامی ئێران./.
