بە پێی ڕاپۆرتی جام کوردی، قەبزی یەکێکە لە باوترین کێشەکانی هەرس کە کاریگەری لەسەر چۆنیەتی ژیان هەیە. سروشت چارەسەری کاریگەر پێشکەش دەکات. کیوی و پرتەقاڵ دوو میوەی بەناوبانگن کە ڕۆڵێکی گرنگ دەگێڕن لە نەهێشتنی قەبزی و باشترکردنی کاری کۆئەندامی هەرس بەهۆی تایبەتمەندییە بێهاوتاکانیانەوە.
ڕۆڵی کیوی لە خێراکردنی جوڵەی ڕیخۆڵە:
ڕێژەی بەرزی جوڵەی خۆراک لە ڕیخۆڵە دوای خواردنی میوەی کیوی لەوانەیە پەیوەندی بە ڕێژەی زۆری ڕیشاڵەوە هەبێت. لەگەڵ ئەوەشدا، پێشبینی دەکرێت ئەو دژە ئۆکسێنەرانەی کە لە کیوی هەن لەم پرۆسەیەدا ڕۆڵ دەگێڕن و یارمەتی تەندرووستی ڕیخۆڵە دەدەن.
پرتەقاڵ لە ڕوانگەی پزیشکی نەریتی کۆن تا پێکهاتە مۆدێرنەکان:
پرتەقاڵ میوەیەکی دەوڵەمەندە بە پێکهاتەی سوودبەخش وەک نیشاستە، چەوری، شەکر، فلاڤۆنۆئید و ڤیتامینەکانی A، B و C. ئەم پێکهاتانە یارمەتیدەرن بۆ تایبەتمەندییە زۆرەکانی. پرتەقاڵ وەک یارمەتیدەری هەرس و چارەسەرێکی کاریگەر بۆ کەمکردنەوەی قەبزی ناسراوە. هەروەها بۆ چارەسەری کۆکەی وشک، ئارامبوونەوە و چارەسەرکردنی بێخەوی و شۆکی دەماری بەکار دەهێنرێت.
لەوانەیە کەم کەس بزانن کە توێکڵی پرتەقاڵ تایبەتمەندی پزیشکی گرنگی هەیە. توێکڵی پرتەقاڵ، تازە بێت یان وشک، باشە بۆ بەهێزکردنی کۆئەندامی هەرس و کۆئەندامی هەناسەدان./.
