بە پێی ڕاپۆرتی جام کوردی، مێشک وەک ژووری فەرماندانی جەستەیە و هەموو بڕیار و بیرکردنەوە و هەستەکان لێوە سەرچاوە دەگرن و هەموو فەرمانەکانی جەستە لە مێشکەوە بۆ ئەندامە جیاوازەکان دەردەچن. نەخۆشییەکانی مێشک بەتایبەت نەخۆشییە درێژخایەنەکان وەک ئەلزەهایمەر ڕوو لە زیادبوونە و جگە لە نەخۆشییەکان، گرنگی یادەوەری و بڕیاردانی خێرا و کاری باشی مێشک ڕۆژ بە ڕۆژ زیاتر دەردەکەوێت.
لە ئەنجامدا باشترە تەندرووستی مێشک فەرامۆش نەکەیت و پێشنیار دەکەم ئەم سێ ڕێگا ئاسان و کاریگەرە بۆ باشترکردنی تەندروستی مێشکت ئەنجام بدەیت کە بریتین لە:
1- وەرزش:
بۆچی دەبێت وەرزش بکەم؟ وەرزش ڕێگایەکی باشە بۆ مێشک بۆ بەدەستهێنانی ماددە کیمیاییەکانی کە پێی دەوترێت ئەندۆرفین. ئەندۆرفین لە وەڵامی وەرزشدا دەردەچێت و یارمەتی کەمکردنەوەی دڵەڕاوکێ، هاندانی خۆشی، کەمکردنەوەی ئازار دەدات و هەستێکی خۆشمان پێ دەبەخشێت.
2- خوراک:
دووەم شت کە یارمەتی کاری مێشک دەدات خۆراکە. مێشکت پێویستی بە خۆراکە. گلوکۆز جۆرێکە لە شەکر کە مێشک بەکاری دەهێنێت بۆ بەردەوامبوون لە کارکردن. باشترین ڕێگا بۆ جێگیرکردنی شەکری خوێن خواردنی خوراکی تەندرووستە بە بەردەوامی. ئێمە پێشنیاری ئەوە دەکەین کە خۆراکێک بخۆیت کە دەوڵەمەند بێت بە میوە، سەوزە و کاربۆهیدرات (وەک بەرهەمەکانی دانەوێڵە تەواوەکان).
3- خەوتن:
لە کۆتاییدا و گرنگترینیان خەو. بەبێ خەو، مێشک هەمیشە بە تەواوی توانای خۆی کار دەکات. خەو لایەنێکی گرنگی ژیانە، وەک خواردن، ئاو و ئۆکسجین. ئەگەر کەمتر لە شەش کاتژمێر یان زیاتر لە 10 کاتژمێر بخەوین مەترسی خەمۆکی یان خراپتربوونی زیاد دەکەین./.
