بە پێی ڕاپۆرتی جام کوردی، دەستەی ئاماری تورکیا ڕایگەیاندووە کە عێراق لە پلەی پێنجەمی ئەو وڵاتانەدایە کە لە چارەکی یەکەمی ساڵی 2025 کاڵایان لە تورکیاوە هاوردە کردووە.
هەناردەی تورکیا لەم ماوەیەدا گەیشتووەتە 86 ملیار و 113 ملیۆن دۆلار، کە بەراورد بە هەمان ماوەی ساڵی ڕابردوو 3.7% زیادی کردووە. هەروەها هاوردەکردن بە ڕێژەی ٦.٦% گەشەی کردووە و گەیشتووەتە ١٢٠ ملیار و ٦٩٩ ملیۆن دۆلار.
لە نێوان هەناردەکردنی تورکیادا، ئەڵمانیا بە 7 ملیار و 95 ملیۆن دۆلار لە پلەی یەکەمدایە، بەریتانیا بە 5 ملیار و 377 ملیۆن دۆلار، ئەمریکا بە 5 ملیار و 130 ملیۆن دۆلار، ئیتالیا بە 4 ملیار و 352 ملیۆن دۆلار، عێراقیش بە 3 ملیار و 758 ملیۆن دۆلار لە پلەکانی یەکەم تا پێنجەمدان.
پشکی ئەم پێنج وڵاتە لە کۆی هەناردەی تورکیا لە نێوان مانگی یەک تا ئازاری 2025 29.9% بووە.
عێراق زۆربەی پێداویستییەکانی بۆ کەلوپەل و کاڵا و خۆراک لە وڵاتانی دراوسێ و بەتایبەت لە تورکیا و ئێرانەوە دابین دەکات و هەندێک هاوردەکردنی لە وڵاتانی دیکە بە تایبەت ئەردەنەوەیە./.
