بە پێی ڕاپۆرتی جام کوردی، بابەک یەکتاپەرست ڕایگەیاند کە لە ڕووداوەکانی چوارشەممەسوری ئێران و هەروەها ڕووداوە پەیوەندیدارەکاندا بە گشتی 5 هەزار و 568 کەس بریندار بوون.
ناوبراو ڕایگەیاند کە 4 هەزار و 739 کەس لەو بریندارانە پەیوەندی بە شەوی چوارشەممەوە بووە.
بە وتەی ئەو بەرپرسە، 338 کەس کەمئەندام بوون و هەزار و 557 کەسیش زیان بە چاویان گەیشتووە.
وتەبێژی ڕێکخراوی فریاگوزاری خێرای ئێران هەروەها ڕایگەیاند کە هەزار و 531 کەسیش بە هۆی ڕووداوەکانی چوارشەممەسورییەوە تووشی سووتان بوون.
ڕاشیگەیاند کە 19 کەس بە هۆی سەختی برینەکانیانەوە گیانیان لەدەستداوە./.
