بە پێی ڕاپۆرتی جام کوردی، باشترین ڤیتامینەکان بۆ تەندرووستی جگەر بریتین لە ڤیتامینەکانی B، C، D، E و K. خووی ژیانی تەندروست وەک چالاکی جەستەیی ڕێکوپێک، خۆراکی باش و بەکارهێنانی تەواوکەری گونجاو یارمەتیدەرە بۆ باشترکردنی کاری جگەر و بەرزکردنەوەی تەندرووستی جگەر.
ڤیتامین B:
ڤیتامینەکانی گروپی B، بە تایبەت 12B و ترشی فۆلیک، دەتوانن یارمەتیدەر بن لە باشترکردنی دۆخی جگەر لە کەسانی تووشبوو بە نەخۆشی چەوری جگەر.
ڤیتامین C:
ئەم ڤیتامینە ڕۆڵێکی کاریگەر دەگێڕێت لە پاراستنی تەندروستی جگەر بە کەمکردنەوەی کەڵەکەبوونی چەوری لە جگەردا و ڕێگریکردن لە نەخۆشی جگەری چەوری.
ڤیتامین D:
ئەم ڤیتامینە یارمەتی کەمکردنەوەی مەترسی تووشبوون بە نەخۆشییە هەوکردنەکان و گۆڕانکارییەکان دەدات کە کاریگەری نەرێنییان لەسەر تەندروستی جگەر هەیە.
ڤیتامین E:
ئەم ڤیتامینە بە تایبەتمەندی دژە ئۆکسێنەری خۆی دەتوانێت یارمەتیدەر بێت لە کەمکردنەوەی هەوکردنی جگەر و ئاستی چەوری.
ڤیتامین K:
ئەم ڤیتامینە بۆ چارەسەرکردنی نەخۆشی جگەر و کەمکردنەوەی مەترسی خوێنبەربوون بەکاردێت./.
