بە پێی ڕاپۆرتی جام کوردی، ماک ئەلیستەر مانگی ڕابردوو لە کاتی بردنەوەی لیڤەرپوڵ بە ئەنجامی 5-1 بەرامبەر تۆتنهام گۆڵی تۆمارکرد. یاریزانی هێڵی ناوەڕاستی ئەرجەنتینی کە لەگەڵ هەڵبژاردەی وڵاتەکەی مۆندیالی 2022ی بردەوە، لەم وەرزەدا ڕۆڵێکی سەرەکی هەبوو لە لیڤەرپول و 7 گۆڵ و 6 ئەسیستی گۆڵی لە سەرجەم پاڵەوانێتییەکاندا تۆمارکردووە.
ئاستە نایابەکەی لە دووەم وەرزی یاریکردنیدا لە لیڤەرپول سەرنجی ڕیال مەدریدی ڕاکێشاوە و لە میدیاکانی ئیسپانیا ناوی وەک یەکێک لە بژاردە گرنگەکانی گۆڕانکاری وەرزشی هاوینەدا هاتووە.
بەڵام لە نێو ئەو دەنگۆیانەدا، ماک ئالیستەر لە چاوپێکەوتنێکدا ئاماژەی بە داهاتووی خۆی کرد و ئاماژەی بەوەدا کە هێشتا ئامانجی تەواو نەکراوی لە لیڤەرپول هەیە. ئەو ڕایگەیاند: پێم وانەبوو خولەکە بەم ئاسانییە ببەینەوە، چونکە ئێمە تەنیا لە سەرەتای ڕێگایەکداین. بۆ زۆر کەس، ئەمە گۆڕانکارییەکی گەورە بوو. بەڵام ڕاهێنەر و تیپەکە دەزانن کە دەتوانین باشتر بین و هیوادارم ئەمە سەرەتای ڕووداوێکی گەورە بێت.
ئەنجامێکی باشمان بەدەستهێنا و متمانەمان بە ڕاهێنەر کرد. سەرەڕای ئەوەش، تیپەکەمان پڕە لە یاریزانی گەورەیە و کاتێک ئەنجامی باش بەدەست دەهێنرێت، هەموو شتێک ئاسانتر دەبێت./.
