ئیمام خومەینی، دەسەڵاتی گەورەی ئایینی شیعە کە سەرکردایەتی شۆڕشی ئیسلامیی کرد و کۆماری ئیسلامی ئێرانی لە ڕێبەندانی ساڵی ١٩٧٩ دامەزراند، دوای دە ساڵ کۆچی دوایی کرد.
ئەو کە هەمیشە ئامادەی ئەم سەفەرە بوو، مردنی بە هیچ و وێرانکاری نەدەبینی. لە ڕوانگەی ئەوەوە مردن بە کۆچ و دابەزینی وابەستەیی و پێگەی دونیایی دادەنرا و مردنیش لەناوچوون نەبوو، بەڵکوو ژیان بوو.
ئەو مردنی بە خەوتن پێناسە دەکرد و هەمیشە ئامادە بوو بۆ ڕۆیشتن، ئاماژەی بەوە دەدا کە گەنجان بەرەو پیری و پیرەکان بەرەو مردن بەرەو پێش دەچن. بۆیە دەبێت چارەسەرێک بدۆزرێتەوە پێش ئەوەی دەرفەتەکە لەدەست بدرێت.
شەپۆلی شەهیدبوونی سەرکردەکان و کاربەدەستانی ئێران لە سەرەتای شۆڕشی ئیسلامیدا بووە هۆی ئەوەی ئیمام خومەینی جەختی تایبەت لەسەر ئەوە بکاتەوە کە شۆڕشی ئیسلامی ئێران لە سەر بنەمای یەک کەس نەبووە.
بە پێشبینیکردنی دۆخی داهاتوو و قبووڵکردنی دەست لە کار کێشانەوەی بریکاری ڕێبەری، فەرمانی پێداچوونەوە و هەموارکردنەوەی دەستوور، ڕیگای ئەوەی خۆشکرد کە هیچ کێشەیەکی سەرکردایەتی و ڕێبەریی ئێران لە پاش کۆچی دوایی ئەم کارێزما گەورەیە نەبێت. تەنانەت لە نوێژی هەینی تاران لە ڕێگای وتارخوێنەکەوە داوای نزای لە خەڵک کرد و ئامۆژگاری ئەوانی کرد لە پاش کۆچی دوایی خۆی ئارام بن.
نووسینی هەشت وەسیەتنامە لە قۆناغە جیاجیاکانی ژیانیدا، بەتایبەت دوا وەسیەتنامە، کە تیایدا بە دڵێکی ئارام و عەقڵێکی متمانەبەخۆبوون و ڕۆحێکی دڵخۆش و ویژدانێکی هیواخوازەوە جەختی لە سەر سەفەری خۆی بۆ شوێنی نیشتەجێبوونی هەمیشەیی کردەوە، ئاماژەیە بۆ ئامادەکاری تەواوەتی بۆ ئەم کۆچە دواییە./.
