جام کوردی - مارکۆ ڕوبیۆ، وەزیری دەرەوەی ویلایەتە یەکگرتووەکانی ئەمریکا، لە هەڵوێستێکی واقعیانەدا دانی بەوەدا نا کە شەڕی دژی ئێران بێبەشە لە پشتگیریی جەماوەری لەو وڵاتەدا؛ دانپێدانانێکی ڕوون کە بانگەشەکانی پێشووی سەبارەت بە بوونی هاوکاری یان پشتگیریی گشتی بۆ چنین پێکدادانێک دەخاتە ژێر پرسیارەوە.
بە وتەی ڕوبیۆ، رای گشتیی ئەمریکا هیچ ئارەزوویەک بۆ تێوەگلان لە کێشەیەکی سەربازی لەگەڵ ئێراندا نیشان نادات و ئەم واقیعە، پانتایی سیاسی و ستراتیژیی ئیدارەکە سنووردار دەکات.
لەگەڵ ئەوەشدا، ناوبراو پێشتر بانگەشەی ئەوەی کردبوو کە سزاکانی سەر ئێران بە تێپەڕبوونی کات کارایی زیاتر نیشان دەدەن و فشارە ئابوورییەکان بەو ڕادەیە کاریگەر بوون کە دۆناڵد ترەمپ، سەرۆککۆماری ئەمریکا، لە قۆناغی ئێستادا پێویستی بە دەستپێکردنی ئۆپەراسیۆنێکی سەربازیی فراوان دژی تاران نەبێت.
ئەم ناکۆکییە ئاشکرایە لە نێوان بەردەوامیی فشار و داننەنان بە بەرزیی تێچووی سیاسی و گشتیی شەڕدا، نیشانەی ئەو ئاستەنگانەی بەردەم ئیدارەی ئەمریکایە لە هاوسەنگکردن لە نێوان دکتۆرینی فشار و تێچووی ناوخۆیی هەر جۆرە پێکدادانێکی سەربازیی ڕاستەوخۆدا.