بەهۆی ڕاگرتنی بەرهەمهێنانی غاز لە کێڵگەی کۆرمۆر، کارەبای نیشتمانی لە هەرێمی کوردستان بۆ ڕۆژانە ٦ تا ٧ کاتژمێر دابەزیوە.گوتەبێژی وەزارەتی کارەبا ڕایگەیاندووە ئێستا تەنیا ١٥٥٠ مێگاوات کارەبا بەردەستە و کاتی دەستپێکردنەوەی بەرهەمهێنانی غاز لەلایەن دانە غازەوە دیار نییە. کۆمپانیاکەش دەڵێت هەوڵەکان بۆ چاککردنەوەی وێستگەکە تا کۆتایی ئەم هەفتەیە یان سەرەتای هەفتەی داهاتوو بەردەوام دەبن.