جام کوردی - سەرچاوەکانی "وۆڵ ستریت جۆرناڵ" ئاشکرایان کردووە، تیمی ئەمنی دۆناڵد ترمپ متمانەی تەواویان بە پێشنیارەکەی ئێران نییە، بەڵام هێشتا ڕەتکردنەوەی کۆتاییان نەکردووە.
جموجوڵـی دبلۆماسی بـەردەوامـەو ئێران پێشنیازی نوێ دەداتە پاکستان. لە ٢١ـەمین ڕۆژی ئاگربەستدا، جموجووڵە دیپلۆماسییەکان بۆ کۆتاییهێنان بە گرژییەکان چڕتر بوونەتەوە.
میدیای ئەمریکی بڵاویکردەوە، فشارێکی زۆر لەسەر ئێران و ئەمریکایە بۆ گەیشتن بە ڕێککەوتن. ئێران لە ڕێگەی پاکستانەوە پێشنیارێکی نوێی پێشکەش کردووە کە ئامانج لێی کردنەوەی «مەترسییەکانی سەر گەرووی هورمز» و کۆتاییهێنانە بە شەڕ.
لە لایەکی دیکەوە، وەزیری بەرگریی ئیسرائیل، یسرائیل کاتس، لە پەیامێکی تونددا بۆ "حزبوڵڵا" و حکومەتی لوبنان ڕایگەیاند: "نعیم قاسم یاری بە ئاگر دەکات و ئەگەر بەم شێوەیە بەردەوام بن، ئاگرەکە هەموو لوبنان دەسووتێنێت."