جام کوردی - کۆبوونەوەی چوارقۆڵی سویسرا دوای 80 خولەک وتووێژ بە مەبەستی ڕاوێژی ناوخۆیی ڕاگیرا و پرسی لوبنان و جێبەجێکردنی مەرجەکانی دیکەی لێکتێگەیشتن تەوەری سەرەکی ئەم خولەی دانوستان بوون.
پەیامنێرێکی ڕادیۆ و تەلەفزیۆنی ئێران ڕایگەیاند: تەوەری خولی یەکەمی دانوستانەکان پرسی لوبنان و جێبەجێکردنی مەرجەکانی دیکەی لێکتێگەیشتن بوو.
پەیامنێری IRIB وتیشی: ناتوانرێت بە شێوەیەکی یەکلاکەرەوە بگوترێ کە دانوستانەکان کۆتاییان هاتووە، هەروەها ناتوانرێت بە یەکلاکەرەوە بگوترێ کە شاندی ئێران بۆ خولی دووەمی دانوستانەکان دەگەڕێتەوە؛ ڕاوێژکارییەکان دەرئەنجامەکە دیاری دەکەن.
ئاژانسی هەواڵی ئێرانی تەسنیم بە پشتبەستن بە سەرچاوە ئاگادارەکان ڕایگەیاند: ئەگەر ئیسرائیل لە لوبنان نەکشێتەوە، هەر دانوستانێک ڕادەگیرێت و ئێران لەگەڵ بەردەوامی داگیرکاری و تاوانەکانی ئیسرائیل دەچێتە قۆناغێکی وەڵامدانەوەی توندەوە.