بەپێی ڕاپۆرتی جام کوردی، محەمەد شەفێعی، قایمەقامی قەسرشیرین، بە سەرپەرشتی شاندی بەڕێوەبەرانی سنوور، لەگەڵ عەباس ئیسماعیل عەلی، بەڕێوەبەری سنوور و نوێنەری دەسەڵاتداری هەرێمی کوردستان لە سنووری پەروێزخان لە عێراق کۆبووەوە و تاوتوێی هاتووچۆی گەشتیار و کەرەستەی گواستنەوە و بازرگانی سنوورییان کرد.
لەم دیدارەدا باس لە دامەزراندنی ئەڵقەی سووتەمەنی لەسەر ڕێگای عێراق بۆ ئێران کرا بۆ جیاکردنەوەی بارهەڵگرەکانی سووتەمەنی لە ئامێرەکانی تر و ڕێگریکردن لە تێکەڵبوونی ڕیزەکان. بەپێی پلانە پێشنیار کراوەکە، ڕێکارەکانی گومرگی و پاسپۆرت بۆ ئەم ئامێر و کەرەستە لەسەر ڕێگایەکی جیا ئەنجام دەدرێن بۆ خێراکردنی هاتوچۆیان.
شەفێعی هەروەها جەختی لە دروستکردنی ڕێڕەو و پرۆسەیەکی جیاواز بۆ تۆمارکردنی پاسپۆرت بۆ شۆفێرانی عێراقی کردەوە؛ ڕێوشوێنێک کە بە وتەی ئەو دەتوانێت خێرایی هاتووچۆ و ڕێکخستن و ئاسایشی پرۆسەی چوونە ژوورەوە و دەرچوونی شۆفێران زیاد بکات.
قایمەقامی قەسر شیرین بە ئاماژەدان بە بەدواداچوون بۆ خستنەڕووی سنووری پەرویزخان و سۆمار لە پلانی کۆڵبەریدا وتی: رێککەوتنی سەرەتایی لەسەر ئەم پرسە وروژێنراوە و ئامادەیی لایەنی عێراقی بۆ هاوکاری دەتوانێ کارئاسانی بۆ پرۆسەی جێبەجێکردن بکات و بنەمایەک بۆ زیاتر بەکارهێنانی توانا سنوورییەکان و بازرگانییەکان لەلایەن خەڵکی ناوچەکەوە دابین بکات.
هەروەها کەمکردنەوەی تێچووی بازرگانی زیادە یەکێک بوو لە تەوەرەکانی دیکەی کۆبوونەوەکە. شەفێعی بە ئاماژەدان بە تێچووی وەرگرتنی مانیفێست لە بازرگانانی عێراقی، پێشنیاری کرد کە زانیارییەکانی پەیوەست بە کاڵا و شۆفێر و ئۆتۆمبێل بە شێوەیەکی دیاریکراو و بەبێ کرێی زیادە بدرێتە لایەنی عێراقی.
ناوبراو وتیشی: کەمکردنەوەی تێچوو و ئاستەنگەکان دەتوانێت هاندەرێکی زیاتر بۆ بازرگانان و چالاکانی ئابووری دروست بکات بۆ هەڵبژاردنی سنووری پەرویزخان و ببێتە هۆی زیادبوونی قەبارەی ئاڵوگۆڕی بازرگانی لەم سنوورەدا.
عەباس ئیسماعیل عەلی، بەڕێوەبەری سنوور و نوێنەری دەسەڵاتداری هەرێمی کوردستانیش پێشوازی لە پێشنیازەکان کرد و جەختی لە بەردەوامیی هاوکاری و بەدواداچوون بۆ ئەو پرسەانە کردەوە کە لەسەری ڕێککەوتوون.
ناوبراو ئاشکراشی کرد، ئەو پرسانە کە باسیان لێوەکراوە، لەگەڵ بەرپرسانی پەیوەندیدار لە هەرێمی کوردستان تاوتوێ دەکات و بەدواداچوونی پێویست لە ڕێگەی نامەنووسی لەگەڵ نووسینگەی جێگری سەرۆکی حکومەت و وەزیری پەیوەندیدار ئەنجام دەدات.
لە دیدارەکەدا هەردوولا جەختیان لە ئاسانکاری بازرگانی یاسایی و کەمکردنەوەی بەربەستە ئیداریەکان و خێراکردنی جوڵەی کەرەستەکان و پتەوکردنی هاریکاریە سنوورییەکان و بەرەنگاربوونەوە لەگەڵ قاچاخ و چالاکییە نایاساییەکان کردەوە.